| e-texts navigator |
| Wylie |
360a1 །། དག། རང་བཞིན་ཛ་བ་ཀ་ནས་དག། འཆར་སྒོ་འཕྲུལ་བྷོ་ཀ་ནས་དག། མ་རེག་གཅེས་འཇན་ཕྲལ་སེམས་ཀ་ནས་དག། སེམས་ཅན་སངས་རྒྱས་ཀ་ནས་དག། འཁོར་བཅང་འདས་ཀ་ནས་དག།
360a2 ཡུལ་ལྔ་ཀ་ནས་དག། རྣམ་ཤེས་ཚོགས་བརྒྱད་ཀ་ནས་དག། གཟུགས་མེད་ལ་སོགས་ཡུལ་མེད་ཀ་ནས་དག། ཡིད་རིག་མི་འཇུག་མི་རྟོག་ཀ་ནས་དག། སྒྲིབ་གཡོགས་ཡེ་མེད་ཀ་ནས་དག། ཉོན་མོངས་བག་ཆགས
360a3 གཏན་མེད་ཀ་ནས་དག། ཡུལ་སེམས་གཉིས་འཛིན་རྟོགས་ཚོགས་ཀ་ནས་དག། ཅེས་གསུངས་སོ།། སྐྱེ་མེད་ཀ་དག་གི་རྒྱུད་ལས།། ཀ་དག་གི་དག་ལུགས་བསྟན་པའི་ལེའུ་སྟེ་གསུམ་པའོ།། །། དེ་ནས
360a4 དངོས་མེད་ཟང་ཀ་ཡིས།། སྐྱེ་མེད་ཀ་དག་ཆོས་སྐུ་ལ།། ཟང་ཀའི་དོན་ནི་ཇི་ལྟར་ཡིན།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། འཁོར་བ་གཞི་མེད་ཟང་ཀ་ཡིན།། འཁོར་བའི་རྒྱུ་མེད་ཟང་ཀ
360a5 ཡིན།། འཁོར་བའི་རྐྱེན་མེད་ཟང་ཀ་ཡིན།། འཁོར་བའི་གཟུགས་མེད་ཟང་ཀ་ཡིན།། འཁོར་བའི་ཡུལ་མེད་ཟང་ཀ་ཡིན།། གཏི་མུག་ཡེ་མེད་ཟང་ཀ་ཡིན།། ཞེ་སྡང་ཡེ་མེད་ཟང་ཀ་ཡིན།། འདོད་ཆགས་ཡེ་མེད་ཟང་ཀ།
360a6 ཡིན།། ང་རྒྱལ་ཡེ་མེད་ཟང་ཀ་ཡིན།། ཕྲག་དོག་ཡེ་མེད་ཟང་ཀ་ཡིན།། མ་རིག་སྒྲིབ་མེད་ཟང་ཀ་ཡིན།། སྒྲིབ་ཉིད་དངོས་མེད་ཟང་ཀ་ཡིན།། ཡུལ་མེད་ཕྱོགས་རིས་དབྱེ་བསལ་མེད།། གང་ལ་རིག་སེམས་འཛིན་མེད
iiif viewer powered by OpenSeadragon
