| e-texts navigator |
| Wylie |
35a1 བསྡུས་པའི་ཆོས་རྣམས་ཀྱང་།། རྡུལ་ཕྲན་དག་ལས་བྱུང་བའི་ཕྱིར།། འབྱུང་བ་ལྔ་ཞིག་རང་ཐིམ་ནས།། མེ་ཤི་ཐལ་བ་རླུང་ཁྱེར་འདྲ།། དེ་ཡང་སེམས་དཔའ་རྡོ་རྗེ་ཉོན།། གཉིས་ཀའི་གཞིར་འདོད་མུ
35a2 སྟེགས་ནི།། རིག་བྱེད་གསང་བར་སྨྲ་བའི་ལྟ་བ་ནི།། གཞི་ནི་ངེས་པ་མེད་པ་ལ།། སྣང་བ་གང་ཡང་མི་འགོག་འདོད།། གདོན་གྱིས་ཟིན་པའི་ནད་པ་བཞིན།། སེམས་ཀྱི་རང་བཞིན་མ་ཤེས་ནས།། འབྱུང་ཆེན་གཏོས
35a3 ཀྱི་མུན་པ་བཞིན།། ཐུགས་རྗེའི་ཟེར་ཞགས་ཟག་བཅད་ནས།། དམྱལ་བའི་འབྲས་བུར་ཐེ་ཚོམ་མེད།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས། མུ་སྟེགས་འཁྲུལ་པའི་ཚུལ་བསྟན་པའི་ལེའུ་སྟེ་དྲུག
35a4 པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། སེམས་ཉིད་ངོ་བོ་ཉིད་ཀྱི་སྐུ།། མཐུན་དཔེ་མེ་ལོང་ལྟ་བུ་ལ།། གཟུགས་བརྙན་ཐེག་པ་རིམ་དགུ་བྱུང་།། དེ་ཡང་གང་དང
35a5 གང་ཞེ་ན།། འཕགས་པ་ཉན་ཐོས་ལྟ་བ་ནི།། མདོ་སྡེ་བྱེ་བྲག་རྣམ་གཉིས་པོ།། ཆོ་ག་ཡུལ་གྱི་ཁྱད་པར་ལས།། ལུས་གདུང་སེམས་ཀྱིས་བཙོན་བཟུང་ཡང་།། རྡུལ་དང་ཤེས་པ་ཉིད་འདོད་པས།། གླང་ཆེན་འདམ་བུ
35a6 བྱིང་བ་བཞིན།། ལུས་ངག་ཡིད་ཀྱི་རྩོལ་བ་ཡིས།། འབྲས་བུ་མེད་པའི་སྙིང་པོར་གནས།། བླ་མ་དག་ལ་མི་བརྟེན་པར།། རང་སེམས་དོན་ལ་བློ་སྦྱོང་ཕྱིར།། རྟེན་འབྲེལ་ཕྱི་ནང་རྩད་བཅད་ནས།། རང་བཞིན་མེད་ལ
iiif viewer powered by OpenSeadragon
