| e-texts navigator |
| Wylie |
359a1 མེད་པར་གནས་པ་ཡིན།། བློ་ངོ་བོ་ཉིད་ལས་གྲོལ་བ་ཡིན།། རྒྱུ་རྐྱེན་འཕོ་འགྱུར་མེད་པ་ཡིན།། རྩོལ་བསྒྲུབ་བྱ་བཙལ་མེད་པ་ཡིན།། གཡོ་འགུལ་རྩིས་གདབ་མེད་པ་ཡིན།། ཚུལ་གྱི་ལྡན་ལ་རྣམ་པ
359a2 གང་ཡང་མེད་པ་ཡིན།། དཔེ་མེད་ཟླ་མེད་དོ་མེད་ཡིན།། དངོས་མེད་གཏད་མེད་བྱར་མེད་བསམ་བརླག་པའོ།། ཡེ་མེད་ཀ་དག་ཟང་ཀ་དོ་མེད་པ།། ཅང་མེད་ཅིར་སྣང་འཛིན་མེད་མིན་ཕྱུང་པོ།། མཚོན་མེད་ཚིག
359a3 མེད་སྒྲར་མེད་བརྗོད་མེད་པའོ།། སྐྱེ་མེད་རང་གནས་རྟོག་པ་མེད་པའི་དོན།། གསལ་བྱེད་གཞན་ལ་ལྟོས་པ་ཅིར་ཡང་མེད།། ནམ་མཁའ་འདི་ནི་ཅིར་འདུག་ལྟོས།། ཞེས་གསུངས་སོ།། སྐྱེ་མེད་ཀ་དག་གི་རྒྱུད་ལས།།
359a4 སྐྱེ་མེད་ཆོས་སྐུའི་གནས་ལུགས་བསྟན་པའི་ལེའུ་སྟེ་གཉིས་པའོ།། །། དེ་ནས་དངོས་མེད་ཟང་ཀ་ཡིས།། ཀ་དག་དོན་གྱི་གང་རྣམས་དག། ཅེས་སྟོན་པ་ལ་ཞུས་པ་དང་། སྟོན་པས་འཁོར་ལ་བཀའ་སྩལ
359a5 བབ།། ཀ་དག་ཉིད་ལ་དག་དང་མ་དག་མེད།། དེ་མ་རྟོགས་ཀྱི་བློ་ཅན་ལ།། ཉི་མའི་དཔེས་མཚོན་ཤེལ་གོང་ཀ་དག་བསྟན།། དངོས་མེད་ཟང་ཀ་ཀ་དག་ཚུར་ལ་ཉོན།། ཉི་མའི་དཔེ་ལ་མུན་པ་ཀ་ནས་དག། ཤེལ
359a6 གོང་ལ་ནི་གཞན་སྐྱོན་ཀ་ནས་དག། དེ་བཞིན་ཀ་དག་རང་བཞིན་ཡང་།། འཁྲུལ་གཞི་མ་གྲུབ་ཀ་ནས་དག། འཁྲུལ་རྒྱུ་མ་གྲུབ་ཀ་ནས་དག། འཁྲུལ་རྐྱེན་མ་གྲུབ་ཀ་ནས་དག། འཁྲུལ་འབྲས་མ་གྲུབ་ཀ་ནས
iiif viewer powered by OpenSeadragon
