| e-texts navigator |
| Wylie |
358b1 ཀྱིས་བསྒྱུར། རྒྱལ་པོ་ཁྲི་སྲོང་ལྡེ་བཙན་ལ་གཏད་པའོ།། གཏེར་རྒྱ།། གཏད་རྒྱ། སྦས་རྒྱ། ཟབ་རྒྱའོ།། ། @#།། རྒྱ་གར་སྐད་དུ། ཨ་ཛ་ནུ་ཤུདྡྷ་སཾ་སྐྲྀ་ཏ་ཏནྟྲ། བོད་སྐད་དུ། སྐྱེ་མེད་ཀ་དག
358b2 ཟང་ཀའི་རྒྱུད། སྐྱེ་མེད་ཀ་དག་ཟང་ཀ་ལ་ཕྱག་འཚལ་ལོ།། འདི་སྐད་བདག་གིས་ཅི་ཡང་མ་ཐོས་གང་དུ་ཡང་མ་མཚོན་པའི་དུས་མེད་པ་ན། སྐྱེ་མེད་གནས་ལུགས་ཀ་དག་ཆོས་སྐུ་ཡིས།། དངོས་མེད་སྟོན་པས་ཟད
358b3 ཀའི་འཁོར་ལ་བཤད།། སྔ་ཕྱི་དུས་མེད་འཕོ་འགྱུར་མེད་པའི་དུས།། གླེང་གཞི་ཕུན་སུམ་ཚོགས་པའོ།། དེ་ནས་དངོས་མེད་ཟང་ཀ་ཡིས།། སྐྱེ་མེད་ཀ་དག་སྟོན་པ་ལ།། ཕུན་སུམ་ཚོགས་པའི་དོན་ནི་དེ་ལྟར་ན།། སྐྱེ
358b4 མེད་དོན་ནི་ཇི་ལྟར་ལགས། ཀ་དག་དོན་ནི་ཇི་ལྟར་ལགས།། ཟང་ཀའི་དོན་ནི་ཇི་ལྟར་ཡིན།། དངོས་མེད་བློ་འདས་ཇི་ལྟར་བཤད།། ཡང་རབ་ཀ་དག་ཇི་ལྟར་རྟོགས།། རྟོགས་ཐབས་གདམས་ངག་ཇི་ལྟར
358b5 ལགས།། སྐྱེ་མེད་ཀ་དག་ཇི་ལྟར་ཐོབ།། ཅེས་ཞུས་སོ།། སྐྱེ་མེད་ཀ་དག་གི་རྒྱུད་ལས། གླེང་སློང་ཕུན་སུམ་ཚོགས་པའི་ལེའུ་སྟེ་དང་པོའོ།། །། དེ་ནས་དངོས་མེད་ཟང་ཀ་ཡིས།། སྐྱེ་མེད་ཀ་དག་ཆོས་སྐུ
358b6 ལ།། སྐྱེ་མེད་ཆོས་སྐུ་ཇི་ལྟར་གནས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སྐྱེ་མེད་ཆོས་སྐུའི་གནས་ལུགས་ནི།། སྐྱེ་བ་མེད་པར་གནས་པ་ཡིན།། འགག་པ་མེད་པར་གནས་པ་ཡིན།། གཉིས་སུ
iiif viewer powered by OpenSeadragon
