| e-texts navigator |
| Wylie |
358a1 སེང་གེའི་འོ་མ་ཡང་།། སྣོད་ངན་ཕལ་པར་བླུགས་གྱུར་ན།། སྣོད་ཀྱང་ཆག་ལ་བཅུད་ཀྱང་འབོ།། དེ་བཞིན་རྒྱུད་ཀྱི་རྒྱལ་པོ་འདི།། སྣོད་མེད་དམ་ཉམས་ལ་བསྟན་ན།། ཆོས་དང་རང་ཉིད་གཉིས་ཀ
358a2 བརླག། དེ་བས་སྣོད་ཀྱི་ཁྱད་བརྟགས་གཅེས།། ཞེས་གསུངས་སོ།། རྒྱུད་ཐམས་ཅད་ཀྱི་རྒྱལ་པོ་ཉི་ཟླའི་སྙིང་པོ་འོད་འབར་བ་བདུད་རྩིའི་རྒྱ་མཚོ་འཁྱིལ་པའི་རྒྱུད་ལས། རྒྱུད་གཏད་པའི་གནས་བསྟན་པའི་ལེའུ་སྟེ་གྱ
358a3 གཅིག་པའོ།། །། རྒྱུད་ཐམས་ཅད་ཀྱི་རྒྱལ་པོ་ཉི་ཟླའི་སྙིང་པོ་འོད་འབར་བ་བདུད་རྩིའི་རྒྱ་མཚོའི་འཁྱིལ་པའི་རྒྱུད་ཆེན་པོ་རྫོགས་སོ།། །། བཀའ་རྒྱ། གཏད་རྒྱའོ།། ཨུ་རྒྱན་གུ་རུ་པདྨ་ཡིས།། ཕྱི་མར
358a4 ཅི་འབྱུང་ད་ལྟ་ཤེས།། ཡོངས་རྫོགས་བླ་མེད་འབྱུང་བའི་དུས།། སྐུ་དང་གསུང་གི་བསྟན་པ་ནུབ།། ཐུགས་ཀྱི་བསྟན་པ་དར་བའི་ཚེ།། དེ་དུས་ཡོངས་རྫོགས་ཐོད་རྒལ་འབྱུང་།། ལྔ་བརྒྱ་དུས་ཀྱི་ཐ་མ་ལ།། དུས་ངན
358a5 ཟེར་ཞིང་སྤྱོད་ངན་བྱེད།། སྡེ་འཁྲུག་ནད་རྒྱས་ཆོས་འཁོར་འཇོམས།། ཁྲིམས་ཞིག་བོད་ཁམས་སིལ་བུར་འགྲོ།། ཕ་སྤུན་ནང་འཐབ་ངན་འགྲན་བྱེད།། གོས་སུ་ཁྱི་ཐུལ་རྣལ་འབྱོར་མང་།། ཟོང་དུ་ཆོས་འཚོང་ལག་ཆར
358a6 མི་ཐོད་ཐོགས།། ཉམས་མྱོང་གླུར་ལེན་ཐོ་ཅོས་འགེངས།། མི་ཐུབ་རྣམ་གསུམ་བྱུང་དུས་སུ།། ཡོངས་རྫོགས་བླ་མེད་ཐེག་པ་འབྱུང་།། ཞེས་གསུངས་སོ།། ཨུ་རྒྱན་པདྨས་བཤད་ཅིང་། སྐ་བ་དཔལ་བརྩེགས
iiif viewer powered by OpenSeadragon
