| e-texts navigator |
| Wylie |
357b1 རྒལ་ཐེག་པར་ཟུང་།། ཐེག་པ་ཀུན་གྱི་སྒོ་འབྱེད་བལྟ་བསྒོམ་སྟོན།། ཤེས་རབ་འཕྲུལ་གྱི་ལྡེ་མིག་བྱ་བར་ཟུང་།། ཆོས་རྣམས་རིན་ཆེན་རྩར་ལ་བརྒྱུས་པ་ཡིས།། རིན་ཆེན་གསེར་གྱི་ཕྲེང་བ་བྱ་བར་ཟུང་།། ཞེས
357b2 གསུངས་སོ།། ཉི་ཟླའི་སྙིང་པོ་བདུད་རྩིའི་རྒྱ་མཚོ་འཁྱིལ་བའི་རྒྱུད་ལས། མཚན་བསྟན་པའི་ལེའུ་སྟེ་བརྒྱད་ཅུ་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། རྒྱུད་འདི
357b3 གཏད་གནས་གང་ལ་གཏད།། ཅེས་ཞུས་པས། སྟོན་པས་གཏད་པའི་གནས་བསྟན་པ།། ཉི་ཟླའི་སྙིང་པོའི་རྒྱུད་འདི་ནི།། རི་རབ་བློ་ལ་ཉི་ཟླའི་སེམས།། ཤེས་རབ་རལ་གྲི་རྒྱ་མཚོའི་ཐུགས།། དམ་ཚིག་ཤེལ་སྒོང་རང
357b4 རྒྱུད་འཇམ།། བླ་མ་ལ་གུས་མན་ངག་ཐུབ།། ཆགས་པ་མེད་པར་ཡོན་རྣམས་འབུལ།། བཀའ་རྒྱུད་གཏེར་འཆང་དམ་ཚིག་བསྲུང་།། དེ་ལྟའི་སྣོད་ལ་རྒྱུད་འདི་གཏོད།། སྣོད་དང་མི་ལྡན་སློབ་མ་ནི།། རེ་ལྡེའི་རྒྱུད་ལ
357b5 ཚེར་མའི་སེམས།། ཕྱིར་སྲུལ་བློ་ལ་དུག་གི་སེམས།། དམ་མེད་ང་རྒྱལ་གཡོ་སྒྱུ་ཅན།། སློབ་དཔོན་གསང་ཞིང་རང་ཆེ་འབྱིན།། ཆེ་སྤྱོད་དྲེགས་པས་གྲོགས་མཆེད་བསླུ།། རིན་ཆེན་མེད་པར་གཡོ་སྒྱུས་འབྲལ།། ཕྲལ
357b6 ནས་མི་འཆད་ཟོང་དུ་འཚོང་།། སྡིག་ལ་རྔམས་ལ་དགེ་བ་དགགས།། རྒྱུད་ངན་ང་རྒྱལ་སེར་སྣ་ཅན།། དེ་ལྷའི་སྣོད་ལ་བྱིན་པ་ན།། བེའུ་སྦྲེལ་གཡང་ལ་ལྷུང་བ་བཞིན།། གཉིས་ཀ་རྡོ་རྗེ་དམྱལ་བར་འགྲོ།། དཔེར་ན
iiif viewer powered by OpenSeadragon
