| e-texts navigator |
| Wylie |
357a1 ལ།། རྒྱུད་ཀྱི་མཚན་འདི་ཇི་ལྟར་གསུངས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ཡོངས་རྫོགས་རྒྱུད་ཀྱི་མཚན་བཤད་ཀྱི།། འཁོར་རྣམས་མ་ཡེངས་གུས་པར་ཉོན།། རྒྱུད་སྡེ་མ་ལུས
357a2 ཀུན་གྱི་སྤྱི་རྗེ་ཡིན།། དེ་ཕྱིར་རྒྱུད་སྡེ་ཀུན་གྱི་རྩེ་རྒྱལ་བྱ་བར་ཟུང་།། ཉི་ཟླའི་སྙིང་པོ་འོད་འབར་མ་རིག་སེལ།། དེ་ཕྱིར་ཉི་ཟླ་འོད་འབར་རྒྱུད་དུ་ཟུང་།། ཉོན་མོངས་བདུད་ལ་ཆོས་ཉིད་རྩིས་འདུལ་བས།། བདུད་རྩི
357a3 ནད་སེལ་བྱ་བར་ཟུང་།། མཁའ་ཀློང་རྣམ་དག་རྒྱ་མཚོར་འཁྱིལ་པས་ན།། སྐྱེ་མེད་ཀ་དག་སྨན་གྱི་རྒྱ་མཚོར་ཟུང་།། མུ་མཐའ་ཡོངས་གྲོལ་ལྟ་བའི་བདུད་རྩི་རྒྱ་མཚོར་འཁྱིལ།། ཆོས་ཉིད་གཏིང་མཐའ་ཡངས་པའི
357a4 བསྒོམ་པའི་བདུད་རྩི་རྒྱ་མཚོར་འཁྱིལ།། ཆོས་ཀུན་མཚན་མ་ཀུན་གྲོལ་སྤྱོད་པའི་བདུད་རྩི་རྒྱ་མཚོར་འཁྱིལ།། སྙིང་པོ་དོན་དམ་འབྲས་བུ་བདུད་རྩི་རྒྱ་མཚོར་འཁྱིལ།། ཆོས་ཀུན་ཡོངས་རྫོགས་བདུད་རྩི་རྒྱ་མཚོར
357a5 འཁྱིལ།། དེ་ཕྱིར་བདུད་རྩི་རྒྱ་མཚོ་འཁྱིལ་པའི་རྒྱུད་དུ་ཟུང་།། ཐེག་པ་སྣ་ཚོགས་གསལ་བར་སྟོན་པའི་ཕྱིར།། ཆོས་ཀུན་གསལ་བའི་ཉི་ཟླ་བྱ་བར་ཟུང་།། ཆོས་རྣམས་ཀུན་གྱི་གོ་འབྱེད་འཕྲང་སེལ་ཕྱིར།། གོ
357a6 འབྱེད་འཕྲང་སེལ་ཆེན་པོའི་རྒྱུད་དུ་ཟུང་།། ཐེག་པ་ཐམས་ཅད་ལ་བཟླ་གཉའ་གཅོག་ཕྱིར།། ལ་ཟློ་གཉའ་གཅོག་ཐོད་རྒལ་བྱ་བར་ཟུང་།། སྣང་སྲིད་ཆོས་རྣམས་མ་ལུས་ཀུན་རྫོགས་པས།། ཡོངས་རྫོགས་བླ་མེད་ཐོད
iiif viewer powered by OpenSeadragon
