| e-texts navigator |
| Wylie |
356b1 ལྟོས།། བྱིན་རླབས་སྣ་ཚོགས་གར་འདུས་ཤེས་པར་གྱིས།། བལྟ་བསྒོམ་ཀུན་གྱི་རྩེ་རྒྱལ་སྤྱི་ཕུད་ལྟོས།། སྤྱོད་འབྲས་དམ་ཚིག་གར་འདུས་ཤེས་པར་གྱིས།། ཉོན་མོངས་ཀུན་གྱི་རྒྱལ་པོ་གང་ཡིན་ལྟོས།། ཁམས་གསུམ
356b2 འཁོར་པའི་རྩ་བ་གར་འདུས་ཤེས་པར་ཀྱིས།། དེ་འདུལ་གདམས་ངག་རྒྱལ་པོ་གང་ཡིན་ལྟོས།། འདུག་ལུགས་གདམས་ངག་གར་འདུས་ཤེས་པར་གྱིས།། ཀྱེ་ཧོ་སྐལ་ལྡན་རིགས་ཀྱི་བུ།། མུན་པའི་གླིང་དུ་སྒྲོན
356b3 མེ་ཐེགས།། འདམ་ནས་ཕྱུང་ལ་སྒྲོག་ནས་ཁྲོལ།། དྲ་བ་ཆོད་ལ་རྒྱ་ནས་ཟོན།། སྐྱེ་ན་སོད་ལ་ལངས་ན་སྙོལ།། ཆགས་ན་ཕྲོལ་ལ་ཞེན་ན་ཆོད།། འབར་ན་སོད་ལ་བཅིངས་ན་ཁྲོལ།། ཚུད་ན་ཐོན་ལ་འཐིབས་ན
356b4 སོལ།། རྩ་བ་ཕྱུང་ལ་ཡན་ལག་ཆོད།། སྐྱེད་ན་སེལ་ལ་བྱུང་ན་ཆུག། རིན་ཆེན་ཆོངས་ལ་ཁྱིམ་དུ་སྡོད།། མི་ཟད་པ་ཡི་གཏེར་རྙེད་ནས།། རྒྱུ་འགྲུལ་མ་བྱེད་ཆོས་ཉིད་དབྱིངས་སུ་ཉོལ།། བདུད་རྩིའི་བཅུད་འཐུངས་སྙིང
356b5 པོའི་ཀློང་དུ་སྡོད།། བྱ་བ་ཀུན་ཐོངས་རྣལ་མའི་ས་ལ་འདུག། བྲེལ་བ་ཀུན་ཆོད་བྱར་མེད་བློ་འདས་ལྟོས།། རྩ་བ་ཕྱིན་ལ་འུབ་ཀྱིས་བསྡུས།། ལས་རྣམས་ཟིན་ལ་དོན་རྣམས་གྲུབ།། བློ་ཟད་འཁྲུལ་ཡང་སྙིང་པོའི་ཆོས
356b6 སྐུར་གནས།། ཞེས་གསུངས་སོ།། ཡོངས་རྫོགས་ཐོད་རྒལ་བླ་ན་མེད་པའི་ཐེག་པ་བརྡའི་སྒོ་ནས་བསྟན་པའི་ལེའུ་སྟེ་དོན་དགུ་པའོ།། །། དེ་ནས་ངང་དངས་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ
iiif viewer powered by OpenSeadragon
