| e-texts navigator |
| Wylie |
355b1 ཅད་ཀྱི་སྤྱི་ཕུད་ཉི་ཟླའི་སྙིང་པོ་འོད་འབར་བ་བདུད་རྩིའི་རྒྱ་མཚོ་འཁྱིལ་བའི་རྒྱུད་ལས།། ཡོངས་རྫོགས་བླ་མེད་ཐོད་རྒལ་གྱི་ཐེག་པར་སྣང་སྲིད་འཁོར་འདས་མ་ལུས་པ་ཡོངས་སུ་རྫོགས་པར་བསྟན་པའི་ལེའུ་སྟེ།
355b2 དོན་བརྒྱད་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། ཡོངས་རྫོགས་བླ་མེད་གསང་བ་ཡི།། བརྡའ་ཡི་ཆོས་རྣམས་ཇི་ལྟར་བཤད།། ཅེས་ཞུས་པ་དང་། སྟོན་པས་ཡོངས
355b3 རྫོགས་བརྡའ་བཤད་པ། ཨ་ཐ་མ་ཧཱ་སུ་ཁ་ཧོ། ཀྱེ་ཧོ་སྐལ་ལྡན་རིགས་ཀྱི་བུ།། འོད་གསལ་སྣང་གྲོལ་ལྷ་ཁང་དུ།། རང་རིག་གསལ་བའི་ཁྱེའུ་ཆུང་ཁྱོད།། གསལ་དག་རང་གྲོལ་དེ་ཁར་སྡོད།། ཀུན་བྱེད་ཆོས་རྣམས་མུ
355b4 མཐའ་གྲོལ།། ངང་དངས་གསལ་བའི་ཁྱེའུ་ཆུང་གིས།། ཤེས་རབ་རལ་གྲི་མདའ་ཐོགས་ལ།། ཁྱི་ཕག་བྱ་སྦྲེལ་དུག་སྦྲུལ་གསོད།། རླུང་ནག་ཚུབས་མས་ཁྱེར་དུ་ཆུག། མེ་གསོད་ར་ཆོ་ག་མཚོ་མོ་སྐོམས།། སྒྲོག་ཁྲོལ་རི
355b5 སྙིལ་ཕྱགས་མས་ཐོབ།། ཁྱོད་རང་རྒྱ་མཚོའི་གཏིང་དུ་ཉོལ་ལ་ནམ་མཁའི་དབྱིངས་སུ་ལྟོས།། དེ་ཡིས་རང་སེམས་ཀ་དག་མཐོང་བར་འགྱུར།། ཡོངས་རྫོགས་ཐོད་རྒལ་ཐེག་པ་བརྡའ་ཡིས་བསྟན།། ཆུ་རྣམས་ཀུན་གྱི
355b6 རྩ་བ་གར་འདུས་ལྟོས།། ཆུ་རྒྱལ་སྤྱི་ཕུད་གང་ཡིན་ཤེས་པར་གྱིས།། རི་རྣམས་ཀུན་གྱི་རྩེ་རྒྱལ་གང་ཡིན་ལྟོས།། སྣ་ཚོགས་རི་རྣམས་གར་འདུས་ཤེས་པར་གྱིས།། འབྱུང་བ་རྣམས་ཀྱི་སྤྱི་ཕུད་གང་ཡིན་ལྟོས།། འབྱུང
iiif viewer powered by OpenSeadragon
