| e-texts navigator |
| Wylie |
355a1 མར་སྤྱོད་རྩེ་གཉིས་མེད།། ཨུ་པ་ཡ་ཡི་ཐེག་པ་རྫོགས།། རིགས་ལྔ་སྐྱེ་འགག་གཉིས་མེད་པས།། ཡོ་གའི་ཐེག་པ་ཡོངས་སུ་རྫོགས།། ཐབས་དང་ཤེས་རབ་གཉིས་མེད་པས།། མ་ཧཱ་ཡོ་གའི་ཐེག་པ
355a2 རྫོགས།། རྫོགས་ཚུལ་དབྱིངས་དང་ཡེ་ཤེས་མེད།། ཨ་ནུ་ཡོ་གའི་ཐེག་པ་རྫོགས།། རིག་པ་རང་བྱུང་མི་འདོད་པར།། སྣང་བ་ཡེ་ནས་ཆོས་སྐུ་ཡིན།། ཨ་ཏི་ཡོ་གའི་ཐེག་པ་རྫོགས།། ཀ་དག་མ་དག་མུ་མཐའ
355a3 གྲོལ།། སྠི་ཏི་ཡོ་གའི་ཐེག་པ་རྫོགས།། མིང་མེད་མཐའ་སྟོངས་བློ་ཡུལ་འདས།། ཡང་ཏི་ཡོ་གའི་ཐེག་པ་རྫོགས།། སྣང་སྲིད་འཁོར་འདས་ཐམས་ཅད་རྫོགས།། དཔེ་ནི་ཇི་ལྟར་རྫོགས་ཤེ་ན།། གནམ་ས་གཉིས་སུ་སྐྱེ
355a4 འགྲོ་གཟུགས་བསྡུས་རྫོགས།། འབྱུང་ཆེན་ནམ་མཁར་འབྱུང་བ་རྣམ་ལྔ་རྫོགས།། དཀྱིལ་འཁོར་ཆེན་པོར་ས་ཚོན་རྣམ་ལྔ་རྫོགས།། ཟ་འོག་སྣམ་བུར་དར་སྣ་སྣ་ཚོགས་རྫོགས།། ཕྱི་ཡི་རྒྱ་མཚོར་ཆུ་རྣམས
355a5 མ་ལུས་རྫོགས།། མཆོག་རབ་རི་བོར་རི་བདུན་རིན་ཆེན་རྫོགས།། ངག་གིས་བརྗོད་ཚད་སེམས་ཀྱིས་བརྟགས་ཚད་རྫོགས།། གཅིག་རྫོགས་གཉིས་རྫོགས་ཐམས་ཅད་མ་ལུས་རྫོགས།། ཡོད་མཐའ་མེད་མཐའ་རྟག
355a6 ཆད་གཉིས་ཀ་རྫོགས།། དགག་སྒྲུབ་སྤང་ལེན་སྣང་སྲིད་འཁོར་འདས་རྫོགས།། ཡོངས་རྫོགས་བླ་མེད་ཐོད་རྒལ་ཐིག་ལེ་རུ།། བརྟགས་སྣང་ཆོས་རྣམས་མ་ལུས་ཡོངས་སུ་རྫོགས།། ཞེས་གསུངས་སོ།། རྒྱུད་ཐམས
iiif viewer powered by OpenSeadragon
