| e-texts navigator |
| Wylie |
354b1 རྩིའི་བཅུད་གསུམ་ཐིགས་ནས་དེ་སྐལ་པ་དང་ལྡན་པ་རྣམས་ཀྱི་ཟོས་པས།། དུག་ལྔ་ཉོན་མོངས་ཀྱི་ནད་ཕྱིན་ཏེ། སྐྱེ་ཤིའི་རྩ་བ་ཆོད་དོ།། འགྲོ་དྲུག་གཡང་ས་བཅད། ཁམས་གསུམ་འཁོར་བ་མེད་དེ་སེམས
354b2 ཅན་ཐམས་ཅད་ཡེ་སངས་རྒྱས་པའི་མན་ངག། ཀྱེ་མ་ཧོ་སྐལ་ལྡན་རྣལ་འབྱོར་ཀུན།། དོན་དམ་སྐྱེ་མེད་མཐོང་འདོད་ན།། མིང་མེད་གཏིང་མཐའ་ཡས་པའི་ལྷ་ཁང་ལྟོས།། ཞེས་གསུངས་པ་དང་།། དེར་སྐལ་ལྡན
354b3 རྣམས་ཀྱིས་མིང་མེད་གཏིང་མཐའ་ཡས་པའི་ལྷ་ཁང་བལྟས་པས། ཅི་ཡང་མ་མཐོང་གང་ཡང་མི་འདུག་ནས། དོན་མེད་ཀྱི་མཁའ་འདྲ་ཤེས་རིག་གི་དྲན་སེམས་གཟུང་འཛིན་མེད་པར་རང་གྲོལ་ལོ།། གསང་སྔགས
354b4 བརྡས་བཤད་པའི་ལེའུ་སྟེ་དོན་བདུན་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། ཡོངས་རྫོགས་ཐོད་རྒལ་ཐེག་པ་རུ།། ཐེག་པ་རིམ་དགུ་ཇི་ལྟར་རྫོགས།། ཞེས་ཞུས་པ་དང་།
354b5 སྟོན་པས་འཁོར་ལ་བཀའ་སྩལ་པ།། ཡོངས་རྫོགས་བླ་མེད་ཐེག་པ་འདིར།། ཐེག་པ་མ་ལུས་ཡོངས་རྫོགས་ཏེ། ཡུལ་རྡུལ་གཟུང་འཛིན་རང་གྲོལ་བས།། ཉན་ཐོས་ཐེག་པ་ཡོངས་སུ་རྫོགས།། རྟེན་འབྲེལ་རྣམ་པ་རིག
354b6 བྱེད་མེད།། རང་རྒྱལ་ཐེག་པ་ངང་གིས་རྫོགས།། བདེན་པ་གཉིས་སུ་མ་བཟུང་བས།། བྱང་སེམས་ཐེག་པ་ཡོངས་སུ་རྫོགས།། དག་གསུམ་རིགས་གསུམ་ལྷ་མེད་པས།། ཀྲི་ཡིའི་ཐེག་པ་ཡོངས་སུ་རྫོགས།། ཡར་བལྟ།
iiif viewer powered by OpenSeadragon
