| e-texts navigator |
| Wylie |
354a1 མཐོང་།། ཐབས་ཀྱི་སྦྱོར་སྒོའི་སྒོ་ལྕགས་ལ།། ཏིང་འཛིན་གསུམ་དང་བསྙེན་བསྒྲུབ་བཞིས།། ཐབས་ཀྱི་སྦྱོར་སྒོ་ཕྱེ་བ་ཡིས།། སྣང་སྲིད་ལྷ་དང་ལྷ་མོར་མཐོང་།། ཡེ་ཤེས་འཕྲུལ་གྱི་ལྡེ་མིག་གིས།། ཤེས
354a2 རབ་གསང་སྒོ་ཕྱེ་བ་ཡིས།། དབྱིངས་དང་ཡེ་ཤེས་གཉིས་མེད་མཐོང་།། རང་བྱུང་རིག་པའི་ལྡེ་མིག་གིས།། ཁ་རྫོགས་ཕྱལ་བའི་སྒོ་ཕྱེ་བས།། སྣང་སྲིད་ཆོས་སྐུ་སངས་རྒྱས་མཐོང་།། སྣང་གསལ་ཟང་ཐལ་ལྡེ་མིག
354a3 གིས།། གཞི་ཐོག་ཁ་འབྱམས་སྒོ་ཕྱེ་བས།། སྐྱེ་མེད་ཀ་དག་ཆོས་སྐུ་མཐོང་།། གསང་མཛོད་ལྔ་ཡི་སྒོ་ཕྱེ་བས།། ངེས་པ་དོན་གྱི་ཆོས་ལྔ་ཤེས།། ཞེས་གསུངས་སོ།། གསང་མཛོད་ལྔའི་སྒོ་ལྕགས་ལ་འཕྲུལ་གྱི་ལྡེ་མིག།
354a4 ལྔས་དབྱེ་བའི་ལེའུ་སྟེ་དོན་དྲུག་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། གསང་བའི་བརྡའ་ཡིས་ཇི་ལྟར་བཤད།། ཅེས་ཞུས་པ་དང་།། སྟོན་པས་གསང་སྔགས
354a5 བརྡས་བསྟན་པ།། ཨ་བྷོ་ཡ་ཏྲི་ཏྲི་ཨ་ཨ་ཨ། རི་བོ་དགུ་བརྩེགས་ཀྱི་སྟེང་དུ་ཤིང་རྩེ་མོ་བྱུང་རྒྱལ་སྐྱེས་ཏེ། ཤིང་དེ་ལ་རིན་པོ་ཆེ་གསེར་གྱི་ནེ་ཙོ་གཅིག་ཆགས་ནས་སྐད་སྣ་ཚོགས་སྒྲོགས་པའི་མན་ངག་གོ། གནམ་རིམ
354a6 པ་བཅུ་གསུམ་གྱི་ཁ་ན་རིན་པོ་ཆེ་བཻ་ཌཱུརྱའི་ཉི་ཟླ་ཤར་བས་སྣང་སྲིད་ཐམས་ཅད་གསལ་བའི་འོད་ཀྱི་ཁེབས་ཏེ།། མུན་པའི་སྨག་རུམ་ཐམས་ཅད་སྐད་ཅིག་ལ་སངས་པའི་མན་ངག། ནམ་མཁའི་དབྱིངས་ནས་བདུད
iiif viewer powered by OpenSeadragon
