| e-texts navigator |
| Wylie |
352b1 ན། སྣང་སྲིད་སེམས་ཅན་ཐམས་ཅད་ལ།། ཡིད་རིག་སེམས་གསུམ་ཀུན་ལ་ཁྱབ།། སེམས་ཅན་གར་ཁྱབ་སེམས་རིག་ཡོད།། ཐེག་ཆོས་གྲུབ་མཐའ་ཡོད་མེད་དེ།། སངས་རྒྱས་དགོང་པ་ལ་འདྲིའམ།། འོན་ཏེ་སེམས
352b2 ཅན་བློ་ལ་འདྲི།། སངས་རྒྱས་དགོངས་པའི་ཀློང་གནས་ན།། ཐེག་ཆོས་གྲུབ་པའི་བློ་ཡང་མེད།། ཅི་ཕྱིར་སངས་རྒྱས་དགོངས་པ་དེ།། བློ་འདས་རྩིས་གདབ་མེད་པས་སོ།། སེམས་ཅན་བློ་ཡི་ངོ་གང་ལ།། ཐེག
352b3 ཆོས་གྲུབ་མཐའ་བསམ་མི་ཁྱབ།། ཇི་སྲིད་སེམས་ཅན་བློ་ཡོད་པར།། ཐེག་པ་སྣ་ཚོགས་གྲུབ་མཐའ་ཡོད།། སངས་རྒྱས་ཡོད་དམ་འདྲི་བ་དེ།། ཆོས་ཉིད་གཏིང་མཐའ་མེད་པ་དང་།། ཆོས་ཅན་ངོ་གཅིག་གང་ལ
352b4 འདྲི།། ཆོས་ཉིད་གཞི་ལ་འདྲི་བ་ན།། སངས་རྒྱས་མེད་པས་མིང་ཡང་མེད།། རང་ཉིད་སངས་རྒྱས་ཡིན་པས་གཞན་ན་མེད།། ཆོས་ཅན་ངོ་ལ་འདྲི་བ་ན།། མ་འགགས་རོལ་པ་སྣ་ཚོགས་ལ།། སངས་རྒྱས་ཡོད་པ་ལྟར
352b5 ཡང་སྣང་།། ཐེག་འོག་གཞུང་ཡིན་གོང་ལ་མེད།། དམྱལ་བ་ཡི་དྭགས་ཡོད་མེད་དེ།། རྟོགས་པའི་ངོ་ལ་འདྲི་བ་ན།། དམྱལ་བ་མེད་པས་སྡུག་བསྔལ་མེད།། མ་རྟོགས་པ་ཡི་ངོ་ལ་ནི།། སྡིག་པས་དམྱལ་བ་ལྟར་ཡང
352b6 སྣང་།། སྤྱི་ཏིའི་ལྷ་སྒོམ་དྲི་བ་དེ།། ང་ཡི་རང་བཞིན་མིང་མེད་བློ་འདས་ཀྱང་།། རེ་ཞིག་ཁྱོད་ལ་ལྟ་སྒོམ་བསྟན་པར་བྱ།། ཞེ་འདོད་གཏད་མེད་ཕྱོགས་བྲལ་ལྟ་བའི་རྒྱལ་པོ་ཡིན།། དངོས་མེད་གཟའ་གཏད་མེད་པ
iiif viewer powered by OpenSeadragon
