| e-texts navigator |
| Wylie |
351b1 རིག་པ་སྐྱོན་པ་ན།། རང་བྱུང་ཡེ་ཤེས་ཉམས་པར་འགྱུར།། ཞེས་གསུངས་སོ།། ཨ་ཏིར་སྨྲ་བའི་མཚོན་ཆའི་རང་བཞིན་བསྟན་པའི་ལེའུ་སྟེ་དོན་གསུམ་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ
351b2 ཡོངས་གྲོལ་སྟོན་པ་ལ།། ཨ་ཏིས་སྤྱི་ཏིར་དྲི་བ་ཡིས།། སྨྲ་བའི་མཚོན་ཆ་ཇི་ལྟར་བསྐོར།། ཞེས་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། ཨ་ཏིས་སྤྱི་ཏི་ལ་སྨྲ་བ།། ང་ཡི་འདོད་གཞུང་དེ་ལྟར་ན།། དེ་ལས
351b3 ཁྱོད་ཀྱིས་ཁྱོད་དཔོགས་དང་།། ཁྱོད་ཀྱི་སྤྱི་ཏིའི་རང་གཞུང་གིས།། ཐོག་མའི་དུས་ན་ཇི་ལྟར་འདོད།། སངས་རྒྱས་སེམས་ཅན་རྣམ་པ་གཉིས།། དེ་གཉིས་གཞི་ལ་གཅིག་ཉིད་དམ།། མི་གཅིག་ཟེར་ན་འབེལ་མེད
351b4 དམ།། གཞི་དེ་མཉམ་མམ་བཟང་ངན་ཡོད།། གཞི་ལ་འཁྲུལ་པ་ཡོད་དམ་མེད།། མེད་ན་གློ་བུར་པ་ཡིན་ན།། སེམས་དང་རིག་པ་ཡོད་དམ་མེད།། མེད་ན་སེམས་ཅན་གང་ནས་བྱུང་།། ཐེག་ཆོས་གྲུབ་མཐའ་ཡོད་དམ
351b5 མེད།། ཡོད་ན་བློས་བརྟགས་ཐ་སྙད་ཡིན།། མེད་ན་ཐོས་བསམ་དགོས་པ་མེད།། སངས་རྒྱས་བྱ་བ་ཡོད་དམ་མེད།། ཡོད་ན་སངས་རྒྱས་གང་ན་བཞུགས།། དམྱལ་བ་ཡི་དྭགས་ཡོད་དམ་མེད།། ཡོད་ན་དམྱལ་བ་སྟོན
351b6 དང་ཡེ།། མེད་ན་སྡིག་པས་གང་ལ་གནོད།། ཁྱོད་ཉིད་ལྟ་སྒོམ་ཇི་ལྟར་འདོད།། ཅེས་པ་ཨ་ཏིས་དྲིས་པ་དང་། རང་སྣང་ཁྱེའུ་ཆུང་གིས་སྨྲས་པ།། རྩོད་པའི་འཁོར་ལོ་འདི་ལྟར་བསྐོར།། མི་ཕིགས་སྲ་བའི་གོ་ཆ
iiif viewer powered by OpenSeadragon
