| e-texts navigator |
| Wylie |
351a1 འདོད།། སྣང་བ་ཆོས་ཉིད་ཞིང་ཁམས་ཡིན།། ཞེས་གསུངས་པ་དང་། དེ་ལ་སྤྱི་ཏིའི་མཚོན་གྱིས་བརྡེག། ཁྱོད་ཀྱི་ཡེ་མེད་སྔོན་རོལ་ན།། གཞི་ལ་ལྷུན་གྲུབ་ཡོད་པའི་ཕྱིར།། རྒྱ་ཆད་ཕྱོགས་ལྷུང་སྐྱོན
351a2 དུ་འགྱུར།། ཐོག་མ་གཞི་ལ་མིང་མེད་ལ།། ཁྱོད་ལ་གཞི་ལ་མིང་འདོགས་བྱུང་།། མིང་མེད་དམ་བཅའ་ཉམས་པར་འགྱུར།། ཡང་ནི་ཁྱོད་ཀྱི་གཞི་དེ་ཀ་དག་ན།། ནག་པོ་མ་དག་ཉིད་དུ་འགྱུར།། ཡེ་ཤེས་ཀ་དག་མ
351a3 རིག་བཅས།། ཁྱོད་ཀྱི་ལྟ་བ་ཆོས་སྐུ་ན།། ཆོས་སྐུ་འདུས་བྱས་ཡིན་ནམ་མིན།། ཡིན་ན་འདུས་བྱས་འཇིག་པ་ལྟར།། ཆོས་སྐུ་སྐྱེ་འཇིག་ཅན་དུ་འགྱུར།། མིན་ན་སྣང་བ་འཇིག་པ་དང་།། ཆོས་སྐུ་མི་འཇིག་མངོན
351a4 དུ་འགལ།། རིག་པ་སངས་རྒྱས་ཡིན་ནམ་མིན།། རིག་པ་སངས་རྒྱས་ཡིན་ཟེར་ན།། སངས་རྒྱས་དགོངས་པ་འགྱུར་མི་འགྱུར།། དེ་ནི་འགྱུར་བ་མེད་ཅེ་ན།། ཁྱོད་ཀྱི་རང་གི་རིག་པ་དེ།། སྔ་མ་འགགས་ལ་ཕྱི་མར
351a5 འགྱུར།། རིག་པ་སྐྱེ་འགག་འགྱུར་བའི་ཕྱིར།། འགྱུར་བ་མེད་དང་མངོན་སུམ་འགལ།། འགྱུར་ལྡོག་ཡོད་དོ་ཞེས་ཟེར་ན།། སངས་རྒྱས་སེམས་ཅན་དུ་འགྱུར་བས།། རིག་པ་སངས་རྒྱས་ཡིན་ན་ཉམས།། ཡང་ན་རིག
351a6 པ་རང་བྱུང་ཡེ་ཤེས་ན།། བསྒོམ་དུས་རིག་པ་སྐྱོན་མི་སྐྱོན།། གལ་ཏེ་མི་སྐྱོན་པར་འདོད་ན།། སྟོང་པའི་ངང་བསྒོམ་དོན་དང་འགལ།། སྤྱོད་འབྲས་ལ་སོགས་དགོས་པ་མེད།། དོན་མེད་ཚེ་ཆད་ནད་དུ་འགྱུར།། གལ་ཏེ
iiif viewer powered by OpenSeadragon
