| e-texts navigator |
| Wylie |
350a1 ལས་གསུམ་གསུམ་ཕྱེ་བས་དགུ།། དེ་ལ་ཐེག་པ་དགུ་རུ་གསུངས།། དབང་པོ་ཡང་རབ་ཟོད་རྒལ་ལ།། སྤྱི་ཏི་ཡང་ཏི་ཟོད་རྒལ་བསྟན།། བློ་ཁྱད་ཡོད་ཕྱིར་ཐེག་ཁྱད་ཡོད།། བློ་མེད་འཁྲུལ་ཆོད་སངས་པ
350a2 ན།། ཐེག་པ་མེད་ཅིང་འཇུག་པ་མེད།། ཐེག་པ་གསུམ་གྱི་ངེས་འབྱུང་ལ།། ཐེག་པ་གཅིག་གི་འབྲས་བུར་གནས།། གནས་ལ་ཕྱེ་བས་དགུ་ཡིན་ཏེ། ངེས་པའི་གདམས་ངག་གཅིག་ནས་འབྱུང་།། གཅིག་པོ་སྤྱི་ཏི་ཡོ་ག།
350a3 ཡིན།། སྤྱི་ནི་ཐེག་པའི་དབྱིངས་ཕྱུང་སྟེ།། ཏི་ཡིས་ཀུན་གྱི་ཏི་ཀ་སྟོན།། ཡོ་ནི་ལྟ་སྤྱོད་ཟུང་འབྲེལ་ཏེ།། ག་ཡིས་རང་གནས་ཚིག་ཆོད་བསྟན།། ཁྱོད་ཀྱི་ཨ་ཏིའི་ལྷ་སྒོམ་གང་། སྤྱོད་པ་འབྲས་བུ་ཇི་ལྟར་སྒྲུབ།། འདི་ལྟར
350a4 སྣང་བ་ཇི་ལྟར་འདོད།། ཆོས་དང་སངས་རྒྱས་ཡོད་དམ་མེད།། དམྱལ་བ་ཡི་དྭགས་ཅི་ལ་ཟེར།། ཐོག་མ་སེམས་འདི་ཡོད་དམ་མེད།། མེད་ན་སེམས་ཅན་ག་ལས་འོང་།། ཡོད་ན་དེ་དུས་ཇི་ལྟར་གནས།། སངས་རྒྱས
350a5 སེམས་ཅན་རྣམ་པ་གཉིས།། དེ་གཉིས་གཞི་ལ་གཅིག་མི་གཅིག། གཅིག་ན་འཁོར་འདས་ཇི་ལྟར་འབྱུང་།། མི་གཅིག་འབྲེལ་པ་མེད་པར་འགྱུར།། འབྲེལ་མེད་བསྒྲུབས་པ་དོན་མེད་འགྱུར།། བྱེ་མ་ལས་ནི་མར།།
350a6 བཞིན་ནོ།། འབྲེལ་བ་ཡོད་ན་འབྲེལ་གཉིས་བརྟགས།། དང་པོ་བདག་ཉིད་གཅིག་པ་ན།། འཁྲུལ་བཅས་འཁྲུལ་མེད་ཕན་ཚུན་འགལ།། དེ་དང་དེ་ལས་བྱུང་འབྲེལ་ན།། སངས་རྒྱ་ལས་ནི་སེམས་ཅན་ནམ།། སེམས
iiif viewer powered by OpenSeadragon
