| e-texts navigator |
| Wylie |
34b1 བརྩོན་འགྲུས་ཆེ།། དོན་གསང་ཐུབ་ལ་ཤེས་རབ་ཟབ།། ཚུལ་ཤེས་དང་བཟང་རྣམས་ལ་སྟེར།། དེ་དང་མི་ལྡན་འདི་བསྟན་ན།། སངས་རྒྱས་རྣམས་ཀྱི་བཀའ་བཅག་སྟེ།། མཚམས་མེད་སྡིག་པས་ཆར་མི
34b2 ཕོད།། དམྱལ་བའི་ལོག་གཞི་བྱེད་པར་གསུངས།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས། སྣོད་བཅུད་བསྟན་པའི་ལེའུ་སྟེ་བཞི་པའོ།། །། དེ་ནས་ཀུན་རིག་རྒྱལ་པོ་ལ།། ཞེན་པའི་སྙོམས་ལས
34b3 དམན་པའི་ཕྱིར།། བག་ཆགས་ལྔ་ལ་ལོངས་སྤྱོད་ནས།། དམྱལ་བས་རང་སེམས་མེ་སོགས་མཐོང་།། ཡི་དྭགས་མི་གཙང་མཐོང་ཡུལ་སྣང་།། མི་ཡི་མཐོང་ཡུལ་བཞི་རུ་མཐོང་།། བྱོལ་སོང་ངམ་གྲོག་གྱེན་ཟུར
34b4 སྣང་།། ལྷ་མ་ཡིན་གྱི་གོ་མཚོན་སྣང་།། ལྷ་རྣམས་རིན་ཆེན་སྣ་བདུན་མཐོང་།། དེ་དག་འགྲོ་དྲུག་སྡུག་བསྔལ་ཡིན།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས། འགྲོ་དྲུག་གི་སྡུག་བསྔལ་བསྟན་པའི་ལེའུ་སྟེ
34b5 ལྔ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སེམས་ཀྱི་རྒྱལ་པོ་ཡིས།། མུ་སྟེགས་འཁྲུལ་ལུགས་བཀའ་སྩལ་པ།། ཡོད་པར་འཛིན་པའི་ལྟ་བ་ནི།། འགྱུར་བ་བཞི་དང་རྟག་པ
34b6 ལྔ།། ཐམས་ཅད་བདག་གིས་བྱས་པར་འདོད།། རྒྱུ་འབྲས་ལོགས་པའི་བརྟུལ་ཞུགས་ཀྱིས།། ཐར་ལམ་མི་ཐོབ་འཁོར་བར་ལྟུང་།། མར་འདོད་བྱེ་མ་བཙིར་བ་འདྲ།། ཡོད་མེད་འཆད་པར་འདོད་པ་ཡིན།། ཕུང་པོས
iiif viewer powered by OpenSeadragon
