| e-texts navigator |
| Wylie |
34a1 མེད་པར་ལ་བཟླའོ།། སྐྱོན་དང་ཡོན་ཏན་དབྱེར་མེད་པས།། བསྒོམ་དུ་མེད་པར་ལ་བཟླའོ།། འཁྲུལ་དང་མ་རིག་དངོས་མེད་པས།། དུག་ལྔ་ཡེ་ཤེས་ལ་བཟླའོ།། ད་ཡང་འདུས་པའི་ཚོགས་རྣམས
34a2 ཀུན།། ཡིད་ཆེས་པ་ཡི་གཏན་ཚིགས་ནི།། རང་སེམས་སྐྱེ་མེད་གཏན་ཚིགས་ཀྱིས།། ལྷུན་གྱིས་གྲུབ་པར་ཡིད་ཆེས་བྱ།། རོལ་པ་འགག་མེད་གཏན་ཚིགས་ཀྱིས།། གང་ཡང་མི་འགག་ཡིད་ཆེས་བྱ།། མཚན་ཉིད་གཉིས
34a3 མེད་གཏན་ཚིགས་ཀྱིས།། ཆོས་རྣམས་གཅིག་པར་ཡིད་ཆེས་བྱ།། ངོ་བོ་བློ་བྲལ་གཏན་ཚིགས་ཀྱིས།། རྩོལ་བ་མེད་པར་ཡིད་ཆེས་བྱ།། སྙིང་པོའི་དོན་འདི་རྟོགས་འདོད་པས།། དམ་པའི་རྒྱུད་དོན་གནས་པར
34a4 གྱིས།། རྫོགས་པ་ཆེན་པོ་བལྟ་བ་ཐམས་ཅད་ཀྱི་སྙིང་པོ་ལས། ཆོས་རྣམས་ཀྱི་རང་བཞིན་གཏན་ལ་དབབ་པའི་ལེའུ་སྟེ་གསུམ་པའོ།། །། དེ་ནས་ཀུན་རིག་རྒྱལ་པོ་ཡིས།། འདུས་པའི་ཚོགས་ལ་བཀའ་སྩལ
34a5 པ།། དོན་བསྟན་སྣོད་བཅུད་རིམ་པ་ནི།། གསང་སྔགས་རྣམས་ཀྱི་རྩ་བ་ཡིན།། དབང་རྣམས་རིམ་པར་རྫོགས་བྱས་ནས།། ཟོས་བསམ་བསྒོམ་ལ་རབ་སྦྱངས་ནས།། དམ་པའི་མཛོད་ཀྱི་གཏེར་ལྡན་ཞིང་།། སྲིད་པར
34a6 ཞུས་ཀྱང་ཟད་མེད་པའི།། བླ་མ་རྡོ་རྗེ་སློབ་དཔོན་དེ།། དཔེར་ན་གངས་ཀྱི་སེང་གེ་བཞིན།། གཅིག་པུར་གནས་ཀྱང་དོན་ལྡན་ལ།། སྐལ་ལྡན་སློབ་མའི་མཚན་ཉིད་ནི།། བླ་མ་ལ་གུས་དད་དང་ལྡན།། སེར་སྣ་ཆུང་ལ
iiif viewer powered by OpenSeadragon
