| e-texts navigator |
| Wylie |
349b1 འདོད་དེ།། ཆོས་ཀྱི་དབྱིངས་ལ་རིག་པ་ཡེ་ཤེས་སྣང་།། དོན་དམ་དབྱིངས་དང་ཡེ་ཤེས་གཉིས་མེད་བལྟ།། དེ་རྣམས་མན་ཆད་ཨ་ཏི་གསུམ་བཏོན་པ།། བྱ་བཙལ་རྩོལ་བསྒྲུབ་ཨ་ནུ་མན་ཆད་ཀྱིས།། ཞེ་འདོད་མེད་ལ
349b2 ལྟ་བ་ཞེ་འདོད་བྱུང་།། རྩོལ་བསྒྲུབ་མེད་ལ་བྱ་བཙལ་རྩོལ་བས་བསྒྲུབས།། ཡིད་སྨོན་བསྒོམས་པས་འདུས་བྱས་ཆོས་སྒོར་ཞུགས།། རང་ལ་བཞག་ནས་རྒྱང་དུ་བཙལ་བ་ཡིས།། ལོང་བས་ནམ་མཁའི་མཐའ་ནི་འཚོལ
349b3 དང་འདྲ།། བསྐལ་པ་བརྒྱར་ཡང་སངས་རྒྱས་འཐོབ་པ་མིན།། ཞེས་གསུངས་སོ།། ཐེག་པ་བརྒྱད་སུན་འབྱིན་པར་བསྟན་པའི་ལེའུ་སྟེ་དོན་གཅིག་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ
349b4 སྟོན་པ་ལ།། ཨ་ཏི་སྠི་ཏིའི་ཁྱད་པར་གང་། དེ་གཉིས་རྩོད་པ་ཇི་ལྟར་བགྱི།། ཨ་ཏིས་སྠི་ཏི་ལ་རྒོལ་བར།། སྨྲ་བའི་མཚོན་ཆ་ཇི་ལྟར་བསྐོར།། ཞེས་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། ཨ་ཏིའི་ཡོ་གའི
349b5 རྣལ་འབྱོར་པས།། སྠི་ཏིའི་ཐེག་པ་ལ་འདྲི་བ།། ཐེག་པ་དགུ་ལ་མ་གཏོགས་པའི།། སྠི་ཏི་བློས་བརྟགས་མ་ཡིན་ནམ།། མིན་ན་ང་ཡི་ཨ་ཏི་དང་།། སྠི་ཏི་ཁྱད་པར་གང་གིས་སྤགས།། ཞེས་པ་ཨ་ཏིས་བརྒལ་པ་ལ།། སྤྱི
349b6 ཏིའི་སྟོན་པས་ལན་སྨྲས་པ།། སེམས་ཅན་བློ་འདི་མ་ཟད་པས།། ཐེག་པ་ཟད་པ་མེད་པར་གསུངས།། ཉོན་མོངས་བརྒྱད་ཁྲི་བཞི་སྟོང་གི། གཉེན་པོར་ཆོས་སྒོ་དེ་སྙེད་གསུངས།། བློ་ལ་རབ་འབྲིང་རྣམ་པ་གསུམ།། དེ
iiif viewer powered by OpenSeadragon
