| e-texts navigator |
| Wylie |
349a1 བོ་དངོས་པོ་མེད་པ་ལ།། དངོས་མེད་དེ་ཉིད་སྣ་ཚོགས་རང་སྣང་བའོ།། འདི་ལྟར་ཕྱི་ནང་སྣང་བའི་ཡུལ་རྣམས་ལ།། ཉན་ཐོས་རྡུལ་ཕྲན་གཟུང་འཛིན་གཉིས་སུ་བལྟ།། རང་རྒྱལ་རྟེན་འབྲེལ་རྣམ་པར
349a2 རིག་བྱེད་ཀྱིས།། རྡུལ་མེད་ཡུལ་གྱི་རྣམ་པ་སྟོང་པར་འདོད།། དེ་ལས་སེམས་ཙམ་པ་ཡིས་བརྒལ་བ་ནི།། ཡུལ་སྣང་ཐམས་ཅད་སེམས་ལས་མ་འདས་ཏེ།། དཀར་དམར་སྣ་ཚོགས་སེམས་ཉིད་སྣང་བའོ།། དེ་ལ་དབུ
349a3 མ་པ་ཡིས་བརྒལ་བ་ནི།། ཕྱི་རོལ་སྣ་ཚོགས་སེམས་ལས་ལོག་པ་སྟེ།། འཁོར་བའི་རང་བཞིན་སྒྱུ་མའི་དཔེ་བརྒྱད་བལྟ།། དེ་ལ་བརྟགས་ཤིང་དཔྱད་པས་རང་བཞིན་མེད།། དེ་ལ་ཕྱི་རྒྱུད་ཀྲི་ཡ་པས་བརྒལ་བ།། ཕྱི
349a4 རོལ་སྣང་བ་རིགས་གསུམ་ལྷ་རུ་སྣང་།། དོན་དམ་རང་བཞིན་དག་པ་ཆོས་ཉིད་བལྟ།། ཨུ་པ་ཡ་ལ་ལྟ་བ་གཞུང་ཚུགས་མེད།། དེ་ལ་ཡོ་ག་པ་ཡིས་བརྒལ་བ་ནི།། འདི་ལྟར་སྣང་བ་ཀུན་རྫོབ་རིགས་ལྔ་ལྷ།། དོན་དམ
349a5 སྐྱེ་འགག་མེད་པར་འདོད་པ་ཡིན།། ཕྱི་རྒྱུད་གསུམ་པས་ནང་རྒྱུད་ཁྱད་འཕགས་པ།། བསྐྱེད་པ་མ་ཧཱ་ཡོ་གས་སྣང་སྲིད་འདི།། སྣང་བ་མ་འགག་ལྷ་དང་ལྷ་མོར་སྣང་།། ཐབས་ཀྱི་རང་བཞིན་བསྐྱེད་པའི་རིམ་པའི
349a6 ཚུལ།། ལྷ་རྣམས་སྣང་ལ་རང་བཞིན་མེད་པར་འདོད།། ཤེས་རབ་རང་བཞིན་རྫོགས་པའི་རིམ་པ་ལ།། དོན་དམ་རང་བཞིན་སྣང་སྟོང་དབྱེར་མེད་འདོད།། དེ་ལ་ཨ་ནུ་ཡོ་གས་བརྒལ་བ་ནི།། སྣང་བ་ལྷ་དང་ལྷ་མོར་མི
iiif viewer powered by OpenSeadragon
