| e-texts navigator |
| Wylie |
348a1 བློ་ཡི་སྤྱོད་ཡུལ་གྲོལ།། ཞེས་གསུངས་སོ།། སྙིང་པོ་དོན་གྱི་གདམས་པ་བསྟན་པའི་ལེའུ་སྟེ་རེ་བདུན་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། བདུད་རྩི
348a2 བཅུད་ཐིགས་རྣམ་གསུམ་གང་།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། བདུད་རྩི་བཅུད་ཐིགས་རྣམ་གསུམ་འདི།། གསལ་དག་རིན་ཆེན་ཐུགས་ལ་ཆོངས།། ཆོས་ཉིད་རྒྱ་མཚོའི་ཀློང་ནས་མ་སྤངས
348a3 བདུད་རྩིའི་བཅུད་ཐིགས་པས།། ཉིད་ལས་ཉིད་ཤར་དེ་ཉིད་ངང་དུ་གྲོལ།། སྐྱེ་མེད་རྒྱ་མཚོའི་ཀློང་ནས་བདུད་རྩིའི་བཅུད་ཐིགས་པས།། རང་བྱུང་འོད་གསལ་ཆེན་པོའི་དབྱིངས་སུ་གྲོལ།། ཆོས་ཅན་སྣང་སྲིད་ཀློང
348a4 ནས་བདུད་རྩིའི་བཅུད་ཐིགས་པས།། རང་སྣང་མ་སྤངས་མ་བསྒྲུབས་རྩིས་གདབ་མེད་པར་གྲོལ།། ཞེས་གསུངས་སོ།། བདུད་རྩི་བཅུད་ཐིགས་རྣམ་གསུམ་སྐལ་ལྡན་ལ་ཐིགས་པའི་ལེའུ་སྟེ་རེ་བརྒྱད
348a5 པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། གདམས་ངག་རྩ་བའི་བཀའ་ཆོམས་རྣམ་གསུམ་གང་།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། གལ
348a6 འགེགས་འཕྲང་གནད་རྩ་བའི་ཆོས་གསུམ་ནི།། ང་ཡི་རང་བཞིན་ཅི་ཡང་མེད་པ་ལ།། ང་ཡི་མཚན་ཉིད་སྣ་ཚོགས་ཅིར་ཡང་ཤར།། ཤར་ཙམ་ཉིད་ནས་སྣ་ཚོགས་རང་སར་གྲོལ།། ཞེས་གསུངས་སོ།། གདམས་ངག་རྩ
iiif viewer powered by OpenSeadragon
