| e-texts navigator |
| Wylie |
346b1 རང་སར་གྲོལ་ན་བདུད་རྩི་རྒྱ་མཚོར་འཁྱིལ།། ཞེས་གསུངས་སོ།། ཆོས་ཅན་རིག་པ་གྲོལ་བའི་བདུད་རྩིའི་རྒྱ་མཚོར་འཁྱིལ་པའི་ལེའུ་སྟེ་རེ་གཉིས་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས
346b2 གྲོལ་སྟོན་པ་ལ།། ཀློང་གྱུར་མངོན་སངས་རྒྱས་པ་ཡི།། མན་ངག་བདུད་རྩི་ཇི་ལྟར་འཁྱིལ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སྐྱེ་མེད་ཆོས་ཉིད་བདུད་རྩི་ཡིས།། སྙིང་པོ་ཀློང་གྱུར་མངོན་སངས
346b3 རྒྱས།། གཏིང་ཡངས་དོན་གྱི་བདུད་རྩི་ཡིས།། ཆོས་ཉིད་དབྱིངས་སུ་མངོན་སངས་རྒྱས།། སྙིང་པོ་ཀ་དག་བདུད་རྩི་ཡིས།། སྐྱེ་མེད་ཆོས་སྐུར་མངོན་སངས་རྒྱས།། སྔོན་ནས་རང་སེམས་སངས་རྒྱས་ཏེ།། དོན་རྟོགས
346b4 ཀློང་གྱུར་མངོན་སངས་རྒྱས།། ཞེས་གསུངས་སོ།། སྙིང་པོ་ཀློང་གྱུར་མངོན་སངས་རྒྱས་པའི་བདུད་རྩི་རྒྱ་མཚོར་འཁྱིལ་བའི་ལེའུ་སྟེ་རེ་གསུམ་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ
346b5 སྟོན་པ་ལ།། ཡོངས་རྫོགས་བླ་མེད་ཐེག་པ་ལ།། གོལ་ས་སྒྲིབ་པ་ཡོད་དམ་མེད།། ཅེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ཡོངས་རྫོགས་ཐོད་རྒལ་དོན་རྟོགས་ན།། གོལ་ས་སྒྲིབ་པ་འཁྲུལ་ས
346b6 མེད།། ཅེས་གསུངས་སོ།། དེ་ནས་འཁོར་གྱིས་ཡང་ཞུས་པ།། དེ་མ་རྟོགས་ཀྱི་གང་ཟག་ལ།། གོལ་ས་སྒྲིབ་པ་ཇི་ལྟར་འབྱུང་།། ཞེས་ཞུས་པས།། སྟོན་པས་འཁོར་ལ་བཀའ་སྩལ་པ།། གོལ་སྒྲིབ་ཉིས་སྟོང་ལྔ་བརྒྱ
iiif viewer powered by OpenSeadragon
