| e-texts navigator |
| Wylie |
346a1 གང་།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། དུག་གསུམ་འཕྲང་སྐྱུགས་དགྲ་གསུམ་བསད།། སྣང་གསུམ་གཏན་དབབ་རྫོང་གསུམ་བཞུགས།། དགྲ་གསུམ་བསད་ལ་མཁར་གསུམ
346a2 བསྲུང་།། ཕུང་མཁན་སྙིང་བཏོན་ནམ་མཁར་ཉལ།། དེ་དོན་གདམས་ངག་བསྟན་པ་ན།། འཕྲང་གསུམ་འདས་དང་ད་ལྟ་ཕྱིས།། དགྲ་གསུམ་ཡིད་རིག་སེམས་དང་གསུམ།། རང་སྣང་རང་བཞིན་རང་གྲོལ
346a3 གསུམ།། སྐྱེ་མེད་ཀ་དག་བློ་འདས་རྫོང་།། དུག་གསུམ་དགྲ་བསད་སྐུ་གསུམ་མཁར།། ང་བདག་ཞེ་འདོད་གཟུང་འཛིན་ཐོན།། ཆོས་ཉིད་སྐྱེ་མེད་དབྱིངས་སུ་ཉོལ།། ཞེས་གསུངས་སོ།། དེ་ནས་ཆོས་ཅན་གྲོལ་ལུགས
346a4 ནི།། སྣང་སྲིད་སྣ་ཚོགས་སྣང་བ་ལ།། གནས་ལུགས་སྣང་ཚུལ་གྲོལ་ལུགས་གསུམ།། གནས་ལུགས་སྙིང་པོ་གཏིང་མཐའ་ཡས།། སྐྱེ་མེད་ཀ་དག་བློ་ལས་འདས།། སྣང་ཚུལ་ཡུལ་གྱི་སྣང་ལུགས་ལ།། རང་སྣང་རང
346a5 བཞིན་རང་སོ་གསུམ།། དེ་ལ་གྲོལ་ལུགས་རྣམ་གསུམ་སྟེ།། རང་སྣང་མ་བཀག་མ་ཞེན་རང་སར་གྲོལ།། སྣང་བའི་རང་བཞིན་དབྱེ་བསལ་མེད་པར་གྲོལ།། རིག་པ་སེམས་ཀྱི་གྲོལ་ལུགས་བསྟན་པ་ནི།། རིག་མེད
346a6 འགྱུ་མེད་སེམས་མེད་ངང་དངས་སུ།། ཞེན་འཛིན་ཐམས་ཅད་ཀ་དག་ཆེན་པོར་གྲོལ།། ཆོས་ཅན་གྲོལ་བས་ཆོས་ཉིད་བདུད་རྩིར་འཁྱིལ།། སྣང་བ་རང་སར་གྲོལ་ན་ཆོས་དབྱིངས་བདུད་རྩིར་འཁྱིལ།། ཀུན་གཞི
iiif viewer powered by OpenSeadragon
