| e-texts navigator |
| Wylie |
345b1 འཐུངས་ནད་འཐོན་སྐྱེ་འཆི་མེད།། དེ་ལྟར་གྱུར་ཀྱང་རྒྱ་མཚོ་དེ།། ཟད་པ་མེད་ཅིང་འཕེལ་བ་མེད།། གང་བ་མེད་ཅིང་སྟོངས་པ་མེད།། ཅེས་གསུངས་སོ།། དཔེ་བསྟན་པའི་ལེའུ་སྟེ་དྲུག་ཅུ་པའོ།། །། དེ་ནས
345b2 རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། དཔེ་མཚོན་བདུད་རྩི་ཇི་ལྟར་འཁྱིལ།། ཞེས་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། ཡོངས་རྫོགས་ཐོད་རྒལ་བདུད་རྩིའི་རྒྱ་མཚོ་ནི།། ཆོས
345b3 ཉིད་གཏིང་མཐའ་མེད་པའི་རྒྱ་མཚོ་དང་།། ཆོས་ཅན་རིག་པ་མཐའ་གྲོལ་བདུད་རྩི་དང་།། གྲོལ་གྱུར་མངོན་སངས་རྒྱས་པའི་བདུད་རྩིའོ།། དེ་ལས་དང་པོ་ཆོས་ཉིད་ཁ་གཏིང་དུ།། མེད་པའི་གདམས་ངག་བདུད་རྩི
345b4 བསྟན་པ་ནི།། སྣ་ཚོགས་སྣང་བ་ཡེ་མེད་དངོས་པོ་མེད།། དངོས་མེད་གཏིང་གསལ་ཁ་གསལ་སྙིང་པོར་གྲོལ།། གཤིས་ཀྱི་གནས་ལུགས་ངེས་པ་དམ་པ་ཉིད།། ཐོག་མཐའི་མིང་མེད་བློ་འདས་མཚོན་དུ་མེད།། སྐྱེ་མེད
345b5 ཀ་དག་དངོས་མེད་ཟང་ཀ་མ།། སོ་མ་རྣལ་མ་རང་འཁྲུངས་ཡེ་ནས་གྲུབ།། ཡེ་སངས་ཡེ་རྒྱས་ཡེ་ཟིན་ཡེ་རྫོགས་སོ།། མིང་མེད་མཐའ་སྟོངས་བསམ་བརྗོད་དམིགས་ཡུལ་གྲོལ།། ཞེས་གསུངས་སོ།། ཆོས་ཉིད་མུ་མེད
345b6 གཏིང་ཡངས་རྒྱ་མཚོར་འཁྱིལ་པའི་ལེའུ་སྟེ་རེ་གཅིག་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། ཆོས་ཅན་རིག་པའི་མུ་མཐའ་རྣམས།། ཡོངས་གྲོལ་བདུད་རྩིའི་རྒྱ་མཚོ
iiif viewer powered by OpenSeadragon
