| e-texts navigator |
| Wylie |
345a1 གསལ།། གསལ་ཡང་སྙིང་པོ་བལྟར་མི་མཐོང་།། དེ་བཞིན་སེམས་ཅན་ཐམས་ཅད་ལ།། སེམས་ཀྱིས་གར་ཁྱབ་སྙིང་པོས་ཁྱབ།། སྙིང་པོས་གར་ཁྱབ་སེམས་ཀྱིས་ཁྱབ།། འགྲོ་དྲུག་སེམས་ཅན་ཐམས
345a2 ཅད་ལ།། རང་རིག་འོད་གསལ་ཀུན་ལྡན་ཡང་།། སེམས་ཀྱི་རང་བཞིན་མཐོང་བ་མེད།། རྟོགས་མ་རྟོགས་ཀྱིས་འཁོར་འདས་གཉིས།། མ་རིག་ཡེ་ཤེས་རྣམ་གཉིས་ལས།། རང་བྱུང་ཡེ་ཤེས་འོད་གསལ་བ།། མ་རིག
345a3 གཏི་མུག་ཀ་ནས་དག། བག་ཆགས་སྒྲིབ་གཡོགས་མུན་པ་སངས།། ཀ་དག་སངས་རྒྱས་དགོངས་པར་གནས།། སྣང་གསལ་ཉི་མའི་དཔེ་ཡིས་ནི།། གསལ་དག་མ་རིག་མུན་པ་སངས།། སྐྱེ་མེད་ཀ་དག་དགོངས
345a4 པའོ།། འོད་གསལ་ཟླ་བའི་རྒྱུད་ཀྱིས་ནི།། གཏི་མུག་བག་ཆགས་སྒྲིབ་པ་སངས།། རང་བྱུང་འོད་གསལ་དགོངས་པར་གནས།། ཉི་ཟླའི་སྙིང་པོ་མཐོང་བ་མེད་པ་བཞིན།། སེམས་ཉིད་སྙིང་པོ་དངོས་པོ་མེད།། དངོས
345a5 པོར་མ་མཐོང་བ་ནི་འོད་གསལ་ཉིད།། ཅེས་གསུངས་སོ།། ཉི་ཟླའི་དཔེ་དོན་བསྟན་པའི་ལེའུ་སྟེ་ང་དགུ་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། བདུད་རྩིའི་རྒྱ་མཚོའི
345a6 དཔེས་མཚོན་ཏེ།། གདམས་ངག་བདུད་རྩི་ཇི་ལྟར་འཁྱིལ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ཐོག་མར་རྒྱ་མཚོའི་དཔེས་བསྟན་ནས།། དཔེར་ན་བདུད་རྩིའི་མཚོར་འཁྱིལ་བས།། གང
iiif viewer powered by OpenSeadragon
