| e-texts navigator |
| Wylie |
344b1 དངོས་གྲུབ་ཐོབ་པ་ངོ་མཚར་ཆེ།། ཐོག་མའི་སོ་མ་སྙིང་པོའི་དོན་རྟོགས་པས།། ཞེ་འདོད་དབང་བསྐུར་མ་བྱས་ཆོས་སྐུ་ཐོབ།། ཅེས་གསུངས་སོ།། དཀྱིལ་འཁོར་ལྷ་དབང་མ་བསྐུར་བར་སྙིང་པོ་ཆོས་སྐུ་འཕོ་འགྱུར
344b2 མེད་པའི་འབྲས་བུ་ཐོབ་པར་བསྟན་པའི་ལེའུ་སྟེ་ང་བདུན་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། རྒྱུད་ཀྱི་རྒྱལ་པོས་ཇི་ལྟར་བཏུལ།། ཞེས་ཞུས་པས། སྟོན་པས་འཁོར
344b3 ལ་བཀའ་སྩལ་པ།། རྒྱུད་རྗེ་ཡོངས་རྫོགས་ཐོད་རྒལ་གྱིས།། རྒྱུད་གཞན་ཕལ་པ་ཐམས་ཅད་བཏུལ།། རྒྱུད་ཀྱི་རྒྱལ་པོ་སྤྱི་ཕུད་ཀྱིས།། ཐེག་འོག་བྱ་བཙལ་རྒྱུད་རྣམས་བཏུལ།། ཉི་ཟླའི་སྙིང་པོའི་རྒྱུད་ཆེན་གྱིས།། གཏི
344b4 མུག་མ་རིག་རྒྱུད་ཀུན་བཏུལ།། འོད་འབར་ཀ་དག་རྒྱུད་ཆེན་གྱིས།། བག་ཆགས་སྒྲིབ་གཡོགས་རྒྱུད་རྣམས་བཏུལ།། བདུད་རྩིའི་རྒྱ་མཚོའི་རྒྱུད་ཆེན་གྱིས།། ཉོན་མོངས་དུག་ལྔའི་རྒྱུད་རྣམས་བཏུལ།། ཞེས་གསུངས
344b5 སོ།། རྒྱུད་ཀྱི་རྒྱལ་པོས་གཞན་བཏུལ་ཚུལ་བསྟན་པའི་ལེའུ་སྟེ་ང་བརྒྱད་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། ཉི་ཟླའི་སྙིང་པོའི་དཔེ་དོན་གང་།། ཞེས་ཞུས
344b6 ས།། སྟོན་པས་འཁོར་ལ་བཀའ་སྩལ་པ།། ཉི་ཟླའི་སྙིང་པོའི་དཔེ་དོན་ནི།། དཔེར་ན་ཉི་མའི་སྙིང་པོ་ཡིས།། སྙིང་པོ་གར་ཁྱབ་འོད་ཀྱིས་ཁྱབ།། རི་རབ་རྩེ་ནས་ཉི་ཤར་བས།། འོད་ཀྱིས་རྒྱལ་ཁམས་སྣང་སྲིད
iiif viewer powered by OpenSeadragon
