| e-texts navigator |
| Wylie |
344a1 པ།། ཡོངས་རྫོགས་ཐོད་རྒལ་དོན་རྟོགས་ན།། ཚོགས་གཉིས་མ་བསགས་ཡོངས་སུ་རྫོགས།། སྒྲིབ་གཉིས་མ་སྦྱངས་ཀ་ནས་དག། སྨོན་ལམ་མ་བཏབ་རང་ལས་གྲུབ།། སྙིང་པོ་ཆོས་སྐུར་རང་སངས
344a2 རྒྱས།། ཐེག་པ་འོག་མའི་ཆོས་བཞིན་དུ།། བྱ་རྩོལ་ཚོགས་གསོག་སྨོན་མེད་པར།། ཡང་དག་དོན་གྱི་སངས་རྒྱས་འཐོབ།། ཅེས་གསུངས་སོ།། སྨོན་ལམ་ཚོགས་རྫོགས་ལ་མི་ལྟོས་པར་སངས་རྒྱས་འཐོབ་པར་བསྟན
344a3 པའི་ལེའུ་སྟེ་ང་དྲུག་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། དཀྱིལ་འཁོར་ལྷ་དབང་མ་བསྐུར་བར།། དངོས་གྲུབ་འབྲས་བུ་ཇི་ལྟར་ཐོབ།། ཅེས་ཞུས་པས། སྟོན
344a4 པས་འཁོར་ལ་བཀའ་སྩལ་པ།། ཡོངས་རྫོགས་ཐོད་རྒལ་བླ་མེད་འདིར།། ཆོས་ཉིད་གཏིང་མཐའ་ཡངས་པའི་དཀྱིལ་འཁོར་ན།། རང་བྱུང་འོད་གསལ་ཆེན་པོའི་ལྷ་ཚོགས་བཞུགས།། ཆོས་ཅན་སྣང་སྲིད་འཁོར་བའི
344a5 སེམས་ཅན་ལ།། རིག་པ་མུ་མཐའ་ཡོངས་གྲོལ་དབང་བསྐུར་བས།། དངོས་གྲུབ་འབྲས་བུ་སྙིང་པོ་ཆོས་སྐུ་ཐོབ།། ཐེག་པ་འོག་མའི་དཀྱིལ་འཁོར་མ་ཞུགས་ཤིང་།། བྱ་བཙལ་ཞེ་འདོད་དབང་བསྐུར་མ་བྱས
344a6 པར།། སྙིང་པོ་ཀློང་ཡངས་ཆོས་ཉིད་དཀྱིལ་འཁོར་ན།། སྔོན་ཐོག་སྤྱི་ཕུད་ལྷ་ཆེན་ཀ་དག་བཞུགས།། བུམ་སོགས་རྫས་ཀྱི་དབང་རྣམས་མ་བསྐུར་བར།། རང་དབང་རང་གིས་ཐོབ་པའི་དབང་གི་མཆོག། དངོས་མེད
iiif viewer powered by OpenSeadragon
