| e-texts navigator |
| Wylie |
343b1 པས། སྟོན་པས་འཁོར་ལ་བཀའ་སྩལ་པ།། ཡོངས་རྫོགས་ཐོད་རྒལ་བླ་མེད་ཀྱི།། ཆོས་ཉིད་གཏིང་མཐའ་ཡངས་པ་ལ།། རིག་པ་མཐའ་གྲོལ་དོན་རྟོགས་པས།། སྡིག་བཅུ་མ་སྤངས་གྲོལ་བར་བཤད།། དེ་ཡང་ཇི་ལྟར
343b2 གྲོལ་ཞེ་ན།། སྡིག་པ་ཆེད་དུ་མི་སྤྱོད་ཅིང་།། བློ་ཡི་རྟོགས་པས་མ་སྤངས་པས།། ཐར་པ་ཆེན་པོ་འཐོབ་པར་བཤད།། ཅེས་གསུངས་སོ།། མི་དགེ་སྦྱོད་སྤང་མེད་པར་གྲོལ་བར་བསྟན་པའི་ལེའུ་སྟེ་ང་བཞི
343b3 པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། དགེ་བཅུ་མ་སྤྱད་བྱང་ཆུབ་གང་།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། ཡོངས་རྫོགས་བླ་མེད་སྒོར་ཞུགས
343b4 ནས།། ཆོས་དབྱིངས་ཀློང་ན་གནས་པའི་ཕྱིར།། དགེ་བཅུ་མ་སྤྱད་བྱང་ཆུབ་ཐོབ།། དེ་ཡང་ཇི་ལྟར་ཐོབ་ཅེ་ན།། ཆོས་ཉིད་གཏིང་ཡངས་སྙིང་པོའི་ཀློང་གནས་པས།། མཚན་བཅས་ཆོས་སྤྱོད་དང་དུ་མི་ལེན་ཏེ།། བྱམས
343b5 པ་ཕྱོགས་མེད་སྙིང་རྗེ་ཀུན་ལ་ཁྱབ།། ཀ་དག་མུ་མཐའ་ཡོངས་གྲོལ་དོན་རྟོགས་པས།། དགེ་བཅུ་མ་སྤྱད་བྱང་ཆུབ་ཐོབ།། ཅེས་གསུངས་སོ།། དགེ་བཅུ་མ་སྤྱད་པར་སངས་རྒྱས་པར་བསྟན་པའི་ལེའུ་སྟེ་ང་ལྔ
343b6 པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། ཚོགས་བསགས་སྨོན་ལམ་མ་བཏབ་པར།། ཡང་དག་སངས་རྒྱས་ཇི་ལྟར་ཐོབ།། ཅེས་ཞུས་པས། སྟོན་པས་འཁོར་ལ་བཀའ་སྩལ
iiif viewer powered by OpenSeadragon
