| e-texts navigator |
| Wylie |
342b1 ཁྲོད་ཀྱི་བདག་མོ་འབར་མའི་གདོང་ཅན་མ་བྱ་བས་སེམས་ཅན་ཐམས་ཅད་ཀྱི་སྲོག་བཅད། ཤ་ཟོས་ཁྲག་འཐུངས་པས་འགྲོ་དྲུག་གཡང་ས་བཅད་དེ། སེམས་ཅན་ཐམས་ཅད་མི་མངོན་པའི་དབྱིངས་སུ་ཡེ་སངས་རྒྱས
342b2 པའི་མན་ངག་གོ། ཡང་རིན་པོ་ཆེ་སྟོང་ལྡན་གྱི་ལྷ་ཁང་ན། ཤེལ་སྐུ་ཀ་དག་ཆེན་པོ་ལ་འཁོར་གཟིའི་སྙིང་དང་ནོར་བུ་ཆུ་དངས་ཀྱིས་བསྐོར་བའི་མན་ངག་གོ། ཞེས་གསུངས་སོ།། མཁའ་འགྲོ་མ་གསང་བའི་བརྡའ་ཆོས
342b3 བསྟན་པའི་ལེའུ་སྟེ་ང་གཅིག་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། སངས་རྒྱས་ངོ་སྤྲོད་བརྡའ་ཆོས་གང་།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ
342b4 པ།། འཁོར་རྣམས་མ་ཡེངས་གུས་པར་ཉོན།། མཁའ་དབྱིངས་གསལ་བའི་འོད་ཁང་ནས།། འོད་ལྔ་ཟང་ཐལ་དུ་ཤར་བའི་མན་ངག་གོ། ཡང་མུན་པའི་སྨག་རུམ་འཐིམས་པའི་ནང་དུ་གསལ་བའི་ཉི་མ་ཤར་བས་མུན
342b5 པ་ཀ་ནས་དག་སྟེ། སྣང་སྲིད་ཐམས་ཅད་གསལ་བའི་འོད་ཀྱིས་ཁེངས་པའི་མན་ངག་གོ། ཡང་སྣང་བའི་འོད་ཀྱི་ལྷ་ཁང་དང་། མུན་པའི་འཁོར་ཁང་ཆེན་མོ་གཉིས་ཡོད་དེ། མུན་པའི་སྒོ་བཅད་ནས། ཡེ་ཤེས་ཀྱི་འཆར
342b6 སྒོ་ཕྱེ་བས། སྣང་སྲིད་འཁོར་འདས་ཀྱི་སེམས་ཅན་ཐམས་ཅད་སངས་རྒྱས་སུ་གཟིགས་ཤིང་མཐོང་བའི་མན་ངག་གོ། ངོ་སྤྲོད་བརྡའ་ཆོས་བསྟན་པའི་ལེའུ་སྟེ་ང་གཉིས་པའོ།། །། དེ་ནས་རང་སྣང་ཁྱེའུ
iiif viewer powered by OpenSeadragon
