| e-texts navigator |
| Wylie |
341b1 དུག་ལྔས་མ་གོས་སོ།། མ་རིག་ཡེ་ཤེས་སྐྱོན་ཡོན་ཀ་ནས་དག། ཅེས་གསུངས་སོ།། སྠི་ཏི་ཡོ་གའི་ལྟ་བ་བསྟན་པའི་ལེའུ་སྟེ་ཞེ་བདུན་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ
341b2 ལ།། དེ་ལས་ཁྱད་པར་འཕགས་པ་ཡི།། ཡང་ཏིའི་ལྷ་སྒོམ་ཇི་ལྟར་ལགས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ཡང་ཏི་ཡོ་གའི་ལྟ་བ་ནི།། ཆོས་ཉིད་གཏིང་མཐའ་མེད་པ་ལ།། ཆོས་ཅན་ཐམས
341b3 ཅད་མུ་མཐའ་གྲོལ།། དཔེར་ན་ནམ་མཁའ་མཐའ་མེད་ལས།། ཆོ་འཕྲུལ་སྣ་ཚོགས་མཁའ་དབྱིངས་གྲོལ།། དེ་བཞིན་གཏིང་མཐའ་ཡངས་པ་ལ།། ཡན་ལག་རིག་པས་བརྟགས་སྣང་ཀུན།། རིག་པ་མུ་མཐའ་དབྱིངས
341b4 སུ་གྲོལ།། ཞེས་གསུངས་སོ།། ཡང་ཏིའི་ལྟ་བ་བསྟན་པའི་ལེའུ་སྟེ་ཞེ་བརྒྱད་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། ཡོངས་རྫོགས་ཐོད་རྒལ་ལྟ་བ་གང་།། ཞེས་ཞུས
341b5 པ་དང་། སྟོན་པས་འཁོར་ལ་བཀའ་སྩལ་པ།། སྙིང་པོ་མིང་མེད་མཐའ་གྲོལ་འདི།། བློ་ཡི་སྤྱོད་ཡུལ་མ་ཡིན་ཏེ།། འོན་ཀྱང་རེ་ཞིག་འཁོར་ལ་བསྟན།། དངོས་མེད་ཀུན་ལྡན་གང་མ་གྲུབ།། རིག་མེད་རིག་སྐྱེད་སྐྱེ་མེད
341b6 གྲོལ།། ཡེ་མེད་ཀུན་འབྱུང་མུ་མཐའ་གྲོལ།། རང་བཞིན་ལྷུན་གྱིས་གྲུབ་པ་ལ།། ངོ་བོ་གསལ་ལ་དག་པར་གྲོལ།། དེ་རྣམས་བསྡུས་པའི་བལྟ་བ་ནི།། དབྱིངས་ལས་ཀུན་ཤར་དབྱིངས་སུ་གྲོལ།། དཔེར་ན་ནོར་བུ་རིན
iiif viewer powered by OpenSeadragon
