| e-texts navigator |
| Wylie |
33a1 སྒྲུབ་ཏུའང་མེད།། དེ་ཡང་སངས་རྒྱས་དགོངས་པ་ཡིན།། གཞན་ནས་མི་འབྱུང་རང་གི་སེམས།། རྒྱུ་ལས་མ་བྱུང་བདག་མེད་པ།། དེ་ཡང་སངས་རྒྱས་དགོངས་པ་ཡིན།། མ་བཅོས་མ་བསླད་དོན་ཡིན
33a2 པས།། མ་ནོར་ཇི་བཞིན་མ་འགགས་པ།། དེ་ཡང་སངས་རྒྱས་དགོངས་པ་ཡིན།། མ་སྐྱེས་མི་ནུབ་ཡེ་ཤེས་ནི།། མི་འབྱུང་མི་འགྲོ་ཡེ་གནས་པ།། དེ་ཡང་སངས་རྒྱས་དགོངས་པ་ཡིན།། ཀུན་ལ་ཁྱབ་པ་མི་འབྱེད
33a3 པས།། བལྟ་རུ་མེད་པའི་ཐ་སྙད་མེད།། དེ་ཡང་སངས་རྒྱས་དགོངས་པ་ཡིན།། མཚོན་མེད་དཔེ་མེད་རྟོག་ལས་འདས།། བསམ་དུ་མེད་ལ་བསམ་མི་ཁྱབ།། དེ་ཡང་སངས་རྒྱས་དགོངས་པ་ཡིན།། རྒྱུ་ལས་མ་བྱུང་རྐྱེན
33a4 མེད་པས།། དངོས་པོ་མ་ཡིན་རྟག་ཆད་མེད།། དེ་ཡང་སངས་རྒྱས་དགོངས་པ་ཡིན།། སྤྱོད་དང་བྲལ་བས་སྒྲོ་སྐུར་བྲལ།། མཐའ་དབུས་མེད་པར་རྒྱུ་འབྲས་གཅིག། དེ་ཡང་སངས་རྒྱས་དགོངས་པ་ཡིན།། ད
33a5 ང་སེམས་དཔའ་རྡོ་རྗེ་ཉོན།། གཅིག་ལ་སརྦ་རྫོགས་པ་དེ།། སངས་རྒྱས་རྣམས་ཀྱི་དགོངས་པ་ཡིན།། ཚིག་ཏུ་མཚོན་ན་བསླད་ཅིང་བཅོས།། ཐམས་ཅད་རང་བྱུང་ཡེ་ཤེས་ཉིད།། རྫོགས་པ་ཆེན་པོ་ལྟ་བ་ཐམས་ཅད
33a6 ཀྱི་སྙིང་པོ་ལས། སངས་རྒྱས་ཐམས་ཅད་ཀྱི་དགོངས་པ་བསྟན་པའི་ལེའུ་སྟེ་གཉིས་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སེམས་ཀྱི་རྒྱལ་པོ་ཡིས།། ཆོས་རྣམས་གཏན་ལ་དབབ་པའི
iiif viewer powered by OpenSeadragon
