| e-texts navigator |
| Wylie |
339b1 ཀྱང་།། འོན་ཀྱང་རེ་ཞིག་དབྱེ་བ་བསྟན།། སེམས་ཅན་བློ་ཡི་ཁྱད་པར་ལས།། རབ་འབྲིང་གསུམ་དུ་ཕྱེ་བས་དགུ།། ཡང་རབ་ཐོད་རྒལ་ཚིག་ཆོད་དོ།། ཐེག་པའི་སྒོ་ཡང་དེ་ལྟར་བསྟན།། ཉན་ཐོས་རང་རྒྱལ་བྱང
339b2 སེམས་གསུམ།། ཐ་མའི་རབ་འབྲིང་གསུམ་ལ་བསྟན།། ཀྲི་ཡ་ཨུ་པ་ཡོ་ག་གསུམ།། འབྲིང་གི་རབ་འབྲིང་གསུམ་ལ་བསྟན།། མ་ཧཱ་ཨ་ནུ་ཨ་ཏི་གསུམ།། རབ་ཀྱི་རབ་འབྲིང་རྣམས་ལ་བསྟན།། ཡང་རབ་སྤྱི་ཏི་ཡོ་ག
339b3 སྟེ།། ཐོག་རྒལ་ཡང་ཏི་ཡོ་གའོ།། དབང་པོ་ཚིག་ཆོད་སྐལ་ལྡན་ལ།། ཡོངས་རྫོགས་ཐོད་རྒལ་བླ་མེད་བསྟན།། ཞེས་གསུངས་སོ།། ཐེག་པའི་དབྱེ་བ་བསྟན་པའི་ལེའུ་སྟེ་གསུམ་པའོ།། །། དེ་ནས་རང་སྣང་ཁྱེའུ
339b4 ཆུང་གིས།། མུ་མཐའ་ཡོངས་གྲོལ་སྟོན་པ་ལ།། དེ་རྣམས་བལྟ་བ་ཇི་ལྟར་འདོད།། ཅེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ཐེག་པའི་རིམ་པའི་ལྟ་བ་ནི།། བཤད་ཀྱིས་མ་ཡེངས་གུས་པར
339b5 ཉོན།། ཉན་ཐོས་ལྟ་བ་རྣམ་པ་གཉིས།། བྱེ་བྲག་སྨྲ་བའི་འདོད་ལུགས་ནི།། སྙིང་པོའི་རང་བཞིན་མ་རྟོགས་པས།། ཡན་ལག་བུ་ཡི་སྣང་ཚུལ་ལ།། ཕྱི་ཡུལ་རང་སེམས་སོ་སོར་མཐོང་།། མཐོང་བས་བསྐོར་བ་བར་དང
339b6 བཅས།། གཡག་རྔ་ནེའུ་སིང་ལྟ་བུར་སྣང་། མདོ་སྡེ་པ་ཡི་ལྟ་བ་ནི།། རྡུལ་ཕྲན་མི་སྣང་གོང་བུ་གཅིག་ཏུ་སྣང་།། བདག་མེད་ཚོགས་དྲུག་ཡུལ་འགེགས་འདོད།། དེ་ལས་རང་རྒྱལ་ལྟ་བས་འཕགས་པ་ནི།། ཕྱི་ཡི་ཡུལ
iiif viewer powered by OpenSeadragon
