| e-texts navigator |
| Wylie |
339a1 བཙལ་རྩོལ་བསྒྲུབ་མེད་པས་དོན་རྣམས་གྲུབ། ཡེ་ནས་དོན་རྟོགས་རེ་དོགས་རྩད་ནས་བཅད།། ཐིག་ལེ་ཅག་གཅིག་གསང་བའི་བརྡའ་ཆོས་ཡིན།། ཞེས་གསུངས་སོ།། གསང་སྔགས་བརྡའ་ཆོས
339a2 བསྟན་པའི་ལེའུ་སྟེ་ཞེ་གཅིག་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། མཁའ་འགྲོ་གསང་བའི་བརྡའ་ཆོས་གང་།། ཞེས་ཞུས་པ་དང་། སྟོན་པས་འཁོར་ལ་བརྡའ་ཆོས
339a3 བཤད་པ། སྣ་བྲག་དགུ་རུམ་བརྩེགས་པའི་ནང་ནས་རིན་པོ་ཆེའི་གཏེར་རྙེད། རྒྱ་མཚོ་ཆེན་པོའི་ནང་ནས་རང་བྱུང་དང་དངས་ཀྱི་ཁྱེའུ་ཆུང་གིས་རིན་པོ་ཆེ་གསེར་གྱི་ཟ་མ་ཏོག་ཏུ་ཡིད་བཞིན་གྱི་ནོར་བུ་རིན་པོ་ཆེ་རྙེད
339a4 ནས་ཟ་མ་ཏོག་ཏུ་བཅུག་སྟེ། མི་འགྱུར་མི་ཤིགས་པའི་རྒྱས་བཏབ་པའི་མན་ངག་གོ། རིན་པོ་ཆེ་སྣ་ཚོགས་འོད་འབར་བའི་ནང་ན། རིན་པོ་ཆེ་གཅིག་གཞན་པས་ཁྱད་དུ་འཕགས་ཏེ། དེ་ནི་སྙིང་པོ་མཆོག་གི་རིན་པོ་ཆེ
339a5 བ་ཡིན་པས། རིན་པོ་ཆེ་སྣ་ཚོགས་དེ་ལས་འབྱུང་སྟེ། དེའི་ཁོང་དུ་འདུས་པའི་མན་ངག་གོ། མཁའ་འགྲོ་གསང་བའི་བརྡའི་ཆོས་བསྟན་པའི་ལེའུ་སྟེ་ཞེ་གཉིས་པའོ།། ། དེ་ནས་རང་སྣང་ཁྱེའུ
339a6 གིས།། མུ་མཐའ་ཡོངས་གྲོལ་སྟོན་པ་ལ།། ཐེག་པའི་ཁྱད་པར་ཇི་ལྟར་དབྱེ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ཡོངས་རྫོགས་ཐོད་རྒལ་ཐེག་པ་རུ།། ཐེག་པ་མ་ལུས་ཀུན་འདུས
iiif viewer powered by OpenSeadragon
