| e-texts navigator |
| Wylie |
338b1 མཐོང་།། ཉི་མ་མཁའ་ལ་ཤར་ན་རྒྱལ་ཁམས་ཐམས་ཅད་གསལ།། ཨ་ཐ་སྟིས་ཐ་མ་ཧཱ་སུ་ཁ་ཧོ།། དེ་ནས་མཁའ་འགྲོ་གསང་བའི་བརྡའ་གནད་བཤད།། རིན་ཆེན་སྣང་གསལ་འོད་གསལ་གྱི་ལྷ་ཁང་ན། ལྷ་ཀུན
338b2 གྱི་སྤྱི་ཕུད་ཉི་ཟླའི་མེ་ལོང་ཅན་བྱ་བ་དང་། ལྷ་མོ་མཛེས་མ་འོད་སྟོང་ལྡན་མ་གཉིས་བཟའ་མི་བྱས་པས། སྣང་སྲིད་འཁོར་འདས་ཐམས་ཅད་ཉིད་དེ་གཉིས་ཀྱིས་བསྐྱེད་དེ་ཤིན་ཏུ་ངོ་མཚར་ཆེ་བའི་བརྡའོ།། ཡང་སྣང
338b3 གསལ་རྣམ་དག་འོད་གསལ་གྱི་ལྷ་ཁང་ན།། ཁྱེའུ་ཆུང་ཀུན་རིག་འཕྲུལ་གྱི་རྗེ་བཙན་དམ་པ་དང་།། ལྷ་མོ་དང་དངས་འོད་གསལ་མཛེས་མ་འོད་འབར་མ་གཉིས་བཟའ་མི་བྱས་ནས་ཡབ་ཡུམ་གཉིས་མེད་སྦྱར་བ་ལས།།
338b4 དེར་ཡུམ་ལ་སྲས་རང་བྱུང་འོད་གསལ་ཀུན་མཁྱེན་བྱ་བ་སྐུ་འཁྲུངས་པས། སྲས་དེས་ཕྱོགས་བཞི་མཚམས་བརྒྱད་དུ་ནམ་མཁའི་མཐའ་འཚོལ་དུ་ཕྱིན་པས། དེ་ལ་མཐའ་དབུས་མ་རྙེད་དེ་སྣང་སྲིད་འཁོར་འདས་ཀྱི
338b5 ཆོས་ཐམས་ཅད་སྤྲོས་པ་བཅད་ནས།། སྙིང་པོའི་ཀློང་དུ་ཐིམ་པའི་མན་ངག་གོ། ཡང་སྲས་འོད་གསལ་ཀུན་མཁྱེན་སྤྲོས་གཅོད་ཀྱིས།། འགྲོ་ས་མ་རྙེད་སླར་ལོག་སྟེ། འཇིགས་པའི་དགྲ་ཡིས་ཁྱེར་གྱིས་དོགས་ནས། རྒྱུ
338b6 འགྲུལ་མ་བྱས་པར་ཡིད་བཞིན་ནོར་བུ་བཅངས་ནས་ཁྱིམ་དུ་བསྡད་པས། རྩོལ་བསྒྲུབ་ཞེ་འདོད་བྱ་མ་དགོས་པར། དགོས་འདོད་ཐམས་ཅད་ཤུགས་ལས་བྱུང་། བྱ་བ་ཐམས་ཅད་བཏང་བས་ལས་རྣམས་ཟིན།། བྱ།
iiif viewer powered by OpenSeadragon
