| e-texts navigator |
| Wylie |
337b1 གཡོས་པས།། བདག་མེད་མ་རྟོགས་ཞེ་སྡང་དམྱལ་བར་སྐྱེས།། ཞེ་སྡང་རང་གྲོལ་དམྱལ་བའི་གཡང་ས་བཅད།། ཡིད་རྩད་མ་བཅད་སེར་སྣ་ཡི་དྭགས་གནས་སུ་སྐྱེས།། མ་བཅིངས་རང་གྲོལ་ཡི་དྭགས་གཡང་ས
337b2 བཅད།། འོད་གསལ་མ་རྟོགས་གཏི་མུག་བྱོལ་སོང་སྐྱེས།། ཡེ་ཤེས་འོད་གསལ་བྱོལ་སོང་གཡང་ས་བཅད།། ང་རྒྱལ་མ་གྲོལ་ལྷ་མིན་གནས་སུ་སྐྱེས།། མཉམ་ཉིད་རང་གྲོལ་ལྷ་མིན་གཡང་ས་བཅད།། ཕྲག་དོག
337b3 དག་གིས་མི་ཡི་གནས་སྐྱེས་པས།། དངོས་མེད་རང་གྲོལ་མི་ཡི་གཡང་ས་བཅད།། འདོད་ཆགས་ཞེན་པས་ལྷ་ཡི་གནས་སུ་སྐྱེས།། འགག་མེད་རང་གྲོལ་ལྷ་ཡི་གཡང་ས་བཅད།། སྐྱེ་མེད་སྙིང་པོ་ཆོས་སྐུ་ལྷུན་གྲུབ
337b4 པས།། མི་སྐྱེ་མི་འགག་འགྲོ་དྲུག་གཡང་ས་བཅད།། ཅེས་གསུངས་སོ།། འགྲོ་དྲུག་གཡང་ས་བཅད་པའི་ལེའུ་སྟེ་སོ་བརྒྱད་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ
337b5 ལ།། ཆོས་རྣམས་གོ་ལྡོག་ཇི་ལྟར་རྟོགས།། ཞེས་གསོལ་པ་དང་། སྟོན་པས་འཁོར་ལ་བཀའ་སྩལ་པ།། ཡོངས་རྫོགས་ཐོད་རྒལ་ཐེག་པ་ཡིས།། རྒྱུ་འབྲས་ཆོས་རྣམས་གོ་བཟློག་པས།། བསྐྱེད་བྱ་སྐྱེད་བྱེད་མེད་པར
337b6 རྟོགས།། བློས་བརྟགས་ཆོས་རྣམས་གོ་བཟློག་པས།། བྱར་མེད་བློ་འདས་ཆོས་ཉིད་རྟོགས།། ཐེག་དགུའི་ཆོས་རྣམས་གོ་བཟློག་པས།། དགུ་རྩེ་བཅུ་འདས་ཡོངས་རྫོགས་རྟོགས།། གྲུབ་མཐའི་ལྟ་སྒོམ་གོ་བཟློག
iiif viewer powered by OpenSeadragon
