| e-texts navigator |
| Wylie |
336a1 གཉིས་ཀ་མེད།། གཞི་མེད་འཁྲུལ་མེད་བློ་ཡི་ཡུལ་ལས་འདས།། མིང་མེད་བསམ་བརྗོད་དམིགས་པའི་སྤྱོད་ཡུལ་གྲོལ།། ཞེས་གསུངས་སོ།། ཆོས་རྣམས་མ་ལུས་ལ་ཟློ་ཆེན་པོ་འདི།། བློ་དམན་རྣམས
336a2 ཀྱིས་སྤྱོད་ཡུལ་མ་ཡིན་པས།། ཡང་རབ་སྐལ་ལྡན་རྣམས་ཀྱི་ཐུགས་ལ་ཆོངས།། རྟོགས་ཤིང་མངོན་དུ་གྱུར་ན་དེ་ལྟར་ཡིན།། སྐལ་མེད་ཐོལ་བྱུང་ཀུན་ལ་བསྟན་གྱུར་ན།། དེ་དོན་མི་རྟོགས་སྐྲག་ཅིང་སྐུར་པ
336a3 འདེབས།། ཚིག་ཞེན་ཁ་ཆོས་དོན་མེད་འཆལ་བའི་རྒྱུ།། ཁ་རྫོགས་མིན་ནོ་ཆོས་དང་སེམས་སུ་བསྲེས།། ཡེ་ཤེས་ཡིན་ནོ་སྟོང་གསལ་མཐའ་གྲོལ་འདིས།། བློ་དངོས་འདྲེས་ནས་སྙིང་པོའི་ཀློང་དུ་ཉོལ།། བྱ་བ་ཀུན་ཐོང
336a4 རྟོག་མེད་དབྱིངས་སུ་སྡོད།། བྱར་མེད་རྣལ་མ་སྙིང་པོའི་དོན་ལ་ལྟོས།། མེད་པ་མ་ཡིན་གསལ་ཞིང་རིག་པ་ཆེ།། ཡོད་པ་མ་ཡིན་དངོས་པོར་རང་བཞིན་མེད།། གཉིས་པ་མ་ཡིན་གཉིས་མེད་ཆོས་ཉིད་དོན།། གོང་འོག
336a5 ཁྱད་པར་བློ་ཡི་ཚིག་དོན་རྩིས།། ཞེས་གསུངས་སོ།། ཆོས་རྣམས་ལ་བཟླ་ཆེན་པོའི་ལེའུ་སྟེ་སོ་གསུམ་པའོ།། །། དེ་ནས་རང་སྣང་ཁྱེའུ་ཆུང་གིས། མུ་མཐའ་ཡོངས་གྲོལ་སྟོན་པ་ལ།། འཁྲུལ་ཆོད་བློ་ཟད་ཕུགས
336a6 བསྐྱལ་གང་།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། འཁྲུལ་པའི་རྒྱུ་རྐྱེན་རྩད་ནས་ཆོད།། འཁྲུལ་མེད་ཡེ་ཤེས་ཕུགས་སུ་བསྐྱལ།། འཁྲུལ་སྣང་འཁོར་བའི་ཆོས་རྣམས་ལ།། མི་བདེན་རང་བཞིན
iiif viewer powered by OpenSeadragon
