| e-texts navigator |
| Wylie |
335a1 གྲུབ།། བལྟས་ཤིང་བསྒོམས་པས་མ་མཐོང་མ་བལྟས་རང་ལ་གསལ།། རྒྱུ་ཆོས་བློས་བརྟགས་ཆོས་མིན་བྱར་མེད་བློ་ལས་འདས།། དངོས་རྣམས་མིང་མེད་མཐའ་སྟོངས་བློ་ཡི་ཡུལ་ལས་འདས།། ཞེས
335a2 གསུངས་སོ།། སངས་རྒྱས་རྣམས་ཀྱི་ཐུགས་དགོངས་ཇི་ལྟར་འདུས་པར་བསྟན་པའི་ལེའུ་སྟེ་སོ་གཉིས་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། ཆོས་རྣམས་ལ་བཟླ་ཆེན
335a3 པོ་བཤད་དུ་གསོལ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སངས་རྒྱས་དགོངས་པ་ལ་བཟླའི་ཆོས་བཤད་ཀྱི།། འཁོར་རྣམས་ཉོན་ལ་ཐུགས་ཀྱི་དཀྱིལ་དུ་ཆོངས།། ཨ་དྷརྨ་སརྦ་དྷ་ཏུ་ཧྲི་ཏྲ་བྷོ་ཡ་ཐ
335a4 ལ་ཨ་ཨ། ཡོངས་རྫོགས་ཐོད་རྒལ་ཆོས་རྣམས་ལ་བཟླ་འདི།། དབང་པོ་ཡང་རབ་ཐོད་རྒལ་ཚིག་ཆོད་ལས།། ཀུན་གྱི་ཐུན་མོང་མིན་ནོ་མ་བསྟན་ཅིག། ཀུན་རྫོབ་ཆོས་རྣམས་བླ་མེད་ལ་བཟླ་ཞིང་། སྔོན་ཐོག་མིང་མེད
335a5 ཆོས་ཉིད་སྐྱེ་མེད་ལ།། རང་བྱུང་རང་རྩལ་ཡན་ལག་རོལ་པའི་ཆོས།། བློས་བརྟགས་འཁྲུལ་པ་ཡིན་པས་ལ་ཟློ་བཤད།། དངོས་མེད་སྐྱེ་མེད་སྙིང་པོའི་གནས་ལུགས་ནི།། ཀུན་གཞི་མེད་ལ་རླུང་དང་འབྱུང་ལྔ
335a6 མེད།། སྙིང་པོ་མེད་ལ་འོད་དང་རྩལ་ཟེར་མེད།། ཤེས་མེད་རིག་མེད་མ་རིག་འཁྲུལ་པ་མེད།། རང་བཞིན་ངོ་བོ་ཐུགས་རྗེ་རྣམ་གསུམ་མེད། ཡིད་འཁོར་གསུམ་མེད་ཡིད་རིག་སེམས་འཁྲུལ་མེད།། འཆར་སྒོ་འཁྲུལ
iiif viewer powered by OpenSeadragon
