| e-texts navigator |
| Wylie |
334b1 བརྗོད་པའི་ཡུལ་ལས་འདས། མ་ལུས་སངས་རྒྱས་རྣམས་ཀྱི་ཐུགས་དགོངས་ནི།། བྱས་པས་མ་བྱུང་མ་བྱས་ཀློང་ན་གསལ།། བལྟས་པས་མ་མཐོང་མ་བལྟས་དབྱིངས་ན་གསལ།། བསྒོམས་པས་མ་རྙེད་མ་བསྒོམས
334b2 ཀློང་ན་གནས།། བཙལ་བས་མ་རྙེད་མ་བཙལ་རང་ལས་གྲུབ།། སྤྱད་པས་མ་གྲོལ་མ་སྤྱད་ཆགས་སྡང་གྲོལ།། བསྲུངས་པས་མ་ཐུབ་མ་བསྲུངས་ཀ་ནས་དག། སྦྱངས་པས་མ་འབྱངས་མ་སྦྱངས་སྒྲིབ་པ་དག། ཕྱིན
334b3 པས་མ་སླེབས་མ་བགྲོད་སྡོད་པའི་ས།། བསྒྲུབས་པས་མ་གྲུབ་སྐུ་གསུམ་རང་ལས་གྲུབ།། ཡང་དག་སངས་རྒྱས་རྣམས་ཀྱི་དགོངས་འདུས་པ།། ཆོས་དབྱིངས་གཏིང་མཐའ་ཡངས་པར་འདུས།། ཆོས་ཅན་མུ་མཐའ
334b4 ཡོངས་གྲོལ་ལོ།། སྐྱེ་མེད་ཀ་དག་ཐུགས་དགོངས་འདུས།། དངོས་མེད་ཟང་ཀའི་དགོངས་པར་འདུས།། བྱར་མེད་བློ་འདས་དགོངས་པར་འདུས།། ཅང་མེད་དངོས་མེད་ཐུགས་དགོངས་ཡིན།། གསལ་དངས་རིན་ཆེན
334b5 མེད་པར་འདུས།། ཅང་མེད་ཅིར་སྣང་དེ་ཉིད་མེད།། གཞི་མེད་སྣ་ཚོགས་རང་བཞིན་མེད།། མེད་པ་རང་བྱུང་དང་དུ་གྲོལ།། ཅིར་སྣང་རང་སྣང་ཉིད་དུ་གྲོལ།། གཤིས་ཀྱི་འདུག་ཚུལ་སྙིང་པོ་ནི།། མ་བཅོས་རྣལ་མ་རང
334b6 འཁྲུངས་སོ།། སོ་མ་གཉུག་མ་ལྷོད་པ་བག་ཡངས་སོ།། བདེ་བར་གཤེགས་པ་ཀུན་གྱི་ཐུགས་དགོངས་ནི།། བྱ་བཙལ་རྩོལ་བས་མི་རྙེད་མ་བྱས་ལྷུན་གྱིས་གྲུབ།། བཙལ་ཞིང་བསྒྲུབས་པས་མི་འགྲུབ་མ་བཙལ་རང་ལ
iiif viewer powered by OpenSeadragon
