| e-texts navigator |
| Wylie |
334a1 པས།། ཆོས་རྣམས་གང་ཡང་ཡོད་མ་ཡིན།། འདས་དུས་སངས་རྒྱས་དགོངས་པ་ཡང་།། རང་བཞིན་སྟོང་ལ་ངོ་བོ་གསལ།། དེ་ལ་སངས་རྒྱས་དགོངས་པ་ནི།། སྣང་སྲིད་འཁོར་བའི་ཆོས་རྣམས
334a2 ཀུན།། རང་སར་གྲོལ་ནས་རང་བཞིན་མེད།། མ་འོངས་སངས་རྒྱས་དགོངས་པ་ནི།། འཁོར་བའི་ཆོས་ནི་འཁྲུལ་པ་སྟེ།། འཁྲུལ་པ་སངས་ནས་ཅིར་མ་གྲུབ།། དུས་གསུམ་སངས་རྒྱས་དགོང་འདུས་པས།། སྣ་ཚོགས
334a3 གསོག་སྣང་ཆོས་རྣམས་ཀུན།། བརྟགས་ན་ཅིར་ཡང་མེད་པ་ལ།། མ་བརྟགས་པ་ན་རང་བཞིན་གསལ།། དགའ་རབ་རྡོ་རྗེའི་ཐུགས་དགོངས་ནི།། མིང་མེད་མཐའ་སྟོངས་ཆོས་རྣམས་མེད།། ཅེས་གསུངས་སོ།། དེ
334a4 ནས་ཐུན་མོང་མ་ཡིན་པ།། དེ་ཁོ་ན་ཉིད་སངས་རྒྱས་རྣམས་ཀྱི་དགོངས་པ་འདུས་པ།། སྙིང་པོ་ལྷུན་གྲུབ་བྱང་ཆུབ་སེམས་ཀྱི་དགོངས་པ་ནི།། ཡེ་ནས་དངོས་པོ་མེད་པ་ལ།། རང་གསལ་རང་བཞིན་གྲུབ་པ་མེད།། རྒྱུ
334a5 རྐྱེན་གཉེན་པོས་བསྐྱེད་བཤིག་མེད།། དུས་གསུམ་འཕོ་འགྱུར་མེད་པ་ལ།། ཡེ་མེད་ཡེ་དང་ས་ཡེ་གསལ་བ།། རྣམ་པ་ཀུན་ལྡན་གང་ཡང་མེད།། སྐྱེ་བ་མེད་པ་འགག་པ་མེད།། རང་བྱུང་རང་སྣང་འོད་གསལ་བ།། ཅིར
334a6 སྣང་ཀ་ནས་དག་པ། གཉིས་མེད་རང་སར་གྲོལ་བ། བྱེད་པ་པོས་མ་བྱས་པ། རྒྱུ་ལས་མ་བྱུང་བ། རྐྱེན་གྱིས་མ་བསྐྱེད་པའོ།། དངོས་མེད་ཅང་མེད་མིང་མེད་པས།། བློ་འདས་ཆོས་མེད་བསྟན་མེད་པ།། ཚིག་མེད
iiif viewer powered by OpenSeadragon
