| e-texts navigator |
| Wylie |
333b1 སྐད་དེ་ཤིན་ཏུ་ངོ་མཚར་ཆེའོ།། དེ་ཡང་ནམ་མཁའི་དབྱིངས་སུ་བལྟས། རྒྱ་མཚོའི་ཀློང་དུ་ཉལ། ཉི་ཟླའི་མཚམས་སུ་འདུག་འོད་ལྔའི་ནང་དུ་བཞུགས། རླུང་ནག་འཚུབ་མས་ཁྱེར། རི་ལ་མེ་ཆེན་འབར་བའི་ལེའུ་སྟེ་སོ
333b2 གཅིག་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། སངས་རྒྱས་ཐུགས་དགོངས་ཇི་ལྟར་འདུས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སངས་རྒྱས་རྣམས
333b3 ཀྱི་ཐུགས་དགོངས་ནི།། ཡོངས་རྫོགས་ཐོད་རྒལ་ཐེག་པར་འདུས།། དེ་ཡང་ཇི་ལྟར་འདུས་ཤེ་ན།། སྔོན་ཐོག་སྤྱི་ཕུད་ཐུགས་དགོངས་ནི།། དངོས་མེད་གཏིང་གསལ་དགོངས་པར་འདུས།། ཡེ་ཐོག་སྟོན་པའི་ཐུགས
333b4 དགོངས་ནི།། ཡེངས་མེད་གཏིང་ཡངས་དགོངས་པར་འདུས།། ཐོག་མའི་སངས་རྒྱས་དགོངས་པ་ནི།། གཏིང་མཐའ་ཡས་ལ་མུ་མཐའ་གྲོལ།། དམ་པ་དང་པོའི་ཐུགས་དགོངས་ནི།། སྐྱེ་མེད་ཆོས་ཉིད་དགོངས་པར
333b5 འདུས།། རྡོ་རྗེ་སེམས་དཔའི་ཐུགས་དགོངས་ནི།། རང་བྱུང་འོད་གསལ་དགོངས་པར་འདུས།། སེམས་དཔའ་རྡོ་རྗེའི་ཐུགས་དགོངས་ནི།། དབྱིངས་ནས་རིག་ཤར་དབྱིངས་སུ་གྲོལ།། ངང་དངས་ཁྱེའུ་ཆུང་ཐུགས
333b6 དགོངས་ནི།། ཆོས་ཅན་ཆོས་ཉིད་དབྱིངས་སུ་གྲོལ།། ལོངས་སྐུ་སྣང་མཛད་ཐུགས་དགོངས་ནི།། དངོས་མེད་སྣ་ཚོགས་རང་བཞིན་གྲུབ་པ་མེད།། སྦྲུལ་སྐུ་ཤཱཀ་ཐུབ་ཐུགས་དགོངས་ནི།། རང་བཞིན་ཅིར་ཡང་མ་གྲུབ
iiif viewer powered by OpenSeadragon
