| e-texts navigator |
| Wylie |
333a1 བྱས། གཡས་སུ་ཉི་མ་ཐོགས། གཡོན་དུ་ཟླ་བ་ཐོགས། སྣང་སྲིད་ལྟོ་བར་བཅུག་རྒྱ་མཚོ་ཁྲོག་ཆོད་བྱས། འགྲོ་དྲུག་གི་སེམས་ཅན་ཐམས་ཅད་ཀྱི་སྙིང་བཏོན་ནས་ཟོས་པས། ལུས་ཐམས་ཅད་བདེ་བས
333a2 གང་སྟེ། སེམས་ཅན་ཐམས་ཅད་ཀྱི་སྙིང་བཏོན་ནས་ཟོས་ཀྱང་། དེ་ཐམས་ཅད་མ་ཤི་བར་སངས་རྒྱས་སྐད་དེ། དེ་ངོ་མཚར་ཆེའོ།། དེ་ནས་སྣང་སྲིད་ཐམས་ཅད་ཀྱི་མངའ་བདག་མོ།། སེམས་ཅན་ཐམས་ཅད་ཀྱི་འབྱུང
333a3 གནས་ཡུམ་སྲིད་པའི་རྒྱལ་མོ།། ཀུན་གཞི་ཀུན་གྱི་དབང་མོ་ཆེ་བྱ་བ་དེ་ལས་སྲིད་པའི་སེམས་ཅན་སྐྱེས་ཀྱང་སེམས་ཅན་མང་དུ་མ་སོང་ལ། སྐྱེས་པ་ཐམས་ཅད་ཤི་ཡང་ཉུང་ངུ་མ་སོང་སྐད་དེ། དེ་ཡང་འཕེལ་བའམ
333a4 གྲིབ་པའམ། ཟད་པ་དང་། གདབ་དང་། སྟོངས་པ་ཡང་མེད་དོ།། དེ་ཡང་ཤིན་ཏུ་ངོ་མཚར་ཆེའོ།། ཡང་ནམ་མཁའི་དབྱིངས་སྟོང་གསལ་གྱི་ལྷ་ཁང་ན།། དྲི་མེད་རང་གསལ་གྱི་ཁྱེའུ་ཆུང་བྱ་བ་དེས། འོད་ཀྱི་ན་བཟའ
333a5 གསོལ། འཇའ་ཚོན་སྣ་ལྔས་སྐ་རགས་བྱས། སྤྲིན་གྱི་ཞ་གོན། རླུང་པོ་རྐང་པས་མནན། ཆུ་གཏེར་ཁར་བླུགས། ཕྱག་གཡས་སུ་མཚོན་ཆའི་འཁོར་ལོ་བསྐོར་ནས། འཁྲུལ་པ་གང་སྐྱེས་ཐམས་ཅད་རྩད་ནས་བཅད།
333a6 གཡོན་དུ་ཉི་ཟླའི་སྒྲོན་མེ་ཐོགས་ནས་མ་རིག་པའི་སྒྲིབ་གཡོགས་བསལ།། བདུད་རྩིའི་བཅུད་འཐུངས་པས་སྣང་སྲིད་མཉམ་པར་སྦྱར། ནོར་བུ་རིན་པོ་ཆེ་སྙིང་ལ་བཅངས་པས་དགོས་འདོད་ཐམས་ཅད་རང་ལས་བྱུང
iiif viewer powered by OpenSeadragon
