| e-texts navigator |
| Wylie |
332a1 སངས་ཞེ་འདོད་མེད།། དེར་ནི་བསྐྱེད་རྫོགས་གསུམ་གྱི་བལྟ་སྒོམ་མེད།། སྣང་སྟོང་གཉིས་མེད་དབྱིངས་དང་ཡེ་ཤེས་མེད།། ཅེས་གསུངས་སོ།། ཐེག་པའི་འཇུག་པ་ལྟ་སྒོམ་མེད་པར་བསྟན་པའི་ལེའུ
332a2 སྟེ་ཉེར་བརྒྱད་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། རྣམ་རྟོག་ཀ་ནས་ཇི་ལྟར་དག། ཅེས་ཞུས་པས། སྟོན་པས་འཁོར་ལ་བཀའ་སྩལ་པ།། ཡོངས་རྫོགས་བླ་མེད་ཐེག
332a3 པའི་དོན་རྟོགས་ན།། ཆོས་དབྱིངས་གཏིང་མཐའ་ཡངས་པ་ལ།། རིག་པ་མུ་མཐའ་ཡོངས་གྲོལ་བས།། སྡིག་དང་རྣམ་རྟོག་ཀ་ནས་དག། དཔེར་ན་བསྐལ་པའི་འཐོར་རླུང་གིས།། རྩིས་སྐུར་མ་ལུས་ཀུན་དག
332a4 བཞིན།། གཏིང་ཡངས་མཐའ་གྲོལ་གདམས་པ་ཡིས།། ཐིག་ལེ་མཐོང་རྡོལ་ཡེ་ཤེས་གསལ།། འོད་གསལ་ཆོས་ཉིད་དོན་རྟོགས་པས།། རྣམ་རྟོག་སྒྲིབ་པ་ཀ་ནས་དག། སྐྱེ་མེད་དངོས་མེད་ཅང་མེད་རྟོགས།། མཚམས
332a5 ལྔ་དང་མི་དགེ་དག། སྙིང་པོའི་ཀློང་དུ་རབ་གནས་ནས།། དགེ་སྡིག་གཉིས་ཀ་མ་སྐྲད་པས།། རང་གྲོལ་ངན་སོང་སྐེ་ལྷུང་མེད།། གཏིང་ཡངས་སྙིང་པོའི་ཀློང་གནས་པས།། དགེ་སྡིག་གཉིས་ཀ་ཀ་ནས
332a6 དག། དཔེར་ན་ཤེལ་སྒོང་དག་པའི་ནང་།། སྨན་དུག་བཟང་ངན་གཉིས་དག་ལྟར།། གཏིང་ཡངས་མུ་མཐའ་ཡོངས་གྲོལ་བས།། རྟོག་སྒྲིབ་རྣམ་སྨིན་ཀ་ནས་དག། ཅེས་གསུངས་སོ།། རྣམ་རྟོག་སྒྲིབ་པ་ཀ་ནས་དག
iiif viewer powered by OpenSeadragon
