| e-texts navigator |
| Wylie |
331b1 གཞི་གྲོལ་ལུགས་བསྟན་པའི་སྟེ་ལེའུ་ཉེར་དྲུག་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། སེམས་རིག་ཆོས་རྣམས་ཇི་ལྟར་མེད།། ཅེས་ཞུས་པ་དང་། སྟོན་པས་འཁོར་ལ
331b2 བཀའ་སྩལ་པ།། ཡོངས་རྫོགས་ཐོད་རྒལ་བླ་མེད་ལ།། སེམས་རིག་ཆོས་རྣམས་ཡོད་མ་ཡིན།། དངོས་གཞི་མེད་པས་སེམས་མེད་དོ།། སྐྱེ་བ་མེད་ལས་རིག་པ་མེད།། ཐ་སྙད་མེད་པས་ཆོས་རྣམས་མེད།། དྲན་སེམས
331b3 འཁྲུལ་པ་ཡིན་པས་སེམས་ཀྱི་བཏགས་ཆགས་མེད།། རིག་པ་འཁྲུལ་རྒྱུ་ཡིན་པས་རིག་མེད་སྐྱེ་བ་མེད།། ཐེག་དགུ་བློ་ཆོས་ཡིན་པས་ཆོས་མེད་མུ་མཐའ་གྲོལ།། རིག་སེམས་ཆོས་གསུམ་མེད་པར་བསྟན་པའི་ལེའུ་སྟེ།
331b4 ཉེར་བདུན་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། ཐེག་འཇུག་ལྟ་བསྒོམ་ཇི་ལྟར་མེད།། ཅེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ཀུན་རྫོབ་ཐོད་རྒལ
331b5 སྒོར་ཞུགས་ནས།། ཐེག་པ་མ་ལུས་ཡོངས་རྫོགས་པས།། ཐེག་དགུའི་སྒོ་རུ་འཇུག་མི་དགོས།། ཐེག་པ་མེད་ཅིང་འཇུག་པ་མེད།། འཇུག་པའི་སྒོ་མེད་ལྟ་སྒོམ་མེད།། དེ་ཡང་ཇི་ལྟར་མེད་ཅེ་ན།། བདེན་པའི་རྟེན
331b6 འབྲེལ་བདེན་གཉིས་འཇུག་སྒོ་མེད།། བདག་མེད་རིས་མེད་སྟོང་པ་བཅོ་བརྒྱད་མེད།། ཡུལ་རྡུལ་རྟེན་འབྲེལ་བྱང་སེམས་ལྟ་སྒོམ་མེད།། རིགས་གསུམ་དག་པ་རིགས་ལྔ་སྐྱེ་འགག་མེད།། སྣང་སྟོང་རྒྱུ་འབྲས་ཡེ
iiif viewer powered by OpenSeadragon
