| e-texts navigator |
| Wylie |
331a1 མུ་མཐའ་ཡོངས་གྲོལ་སྟོན་པ་ལ།། རིག་སེམས་ཡིད་བློའི་རྩད་གཅོད་གང་།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། དེ་དག་རྩ་བ་བཅད་ཟབས་ནི།། རིག་མེད་སྐྱེ་མེད་རྟོགས་པ
331a2 ཡིས།། རིག་སྐྱེ་འཁྲུལ་པ་རྩད་ནས་བཅད།། རང་བྱུང་དང་དངས་རྟོགས་པ་ཡིས།། སེམས་འཁྲུལ་ཆགས་སྡང་རྩད་ནས་བཅད།། འགྱུ་མེད་དང་ཐིམ་དོན་རྟོགས་པས།། ཡིད་འགྱུའི་འཛིན་རྟོག་རྩད་ནས་བཅད།། རིག
331a3 སེམས་ཡིད་ཀྱི་གཟུང་འཛིན་མེད།། འཁྲུལ་མེད་བློ་ཟད་རྟོག་ཚོགས་མེད།། ཅེས་གསུངས་སོ།། སེམས་རིག་ཡིད་བློ་རྩད་ནས་བཅད་པའི་ཐབས་བསྟན་པའི་ལེའུ་སྟེ་ཉེར་ལྔ་པའོ།། །། དེ་ནས་རང་སྣང་ཁྱེའུ
331a4 ཆུང་གིས།། མུ་མཐའ་ཡོངས་གྲོལ་སྟོན་པ་ལ།། སྣང་བ་འགྱུ་བ་ཀུན་གཞི་ཡི།། གྲོལ་ལུགས་ཇི་ལྟར་བསྟན་དུ་གསོལ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སྣང་འགྱུ་གཞི་གསུམ་གྲོལ་ལུགས
331a5 ནི།། སྣང་བ་དགག་བསྒྲུབ་མི་བྱ་རང་སར་ཞོག། སྤང་ལེན་མེད་པས་སྣང་སྲིད་རང་གྲོལ་ལོ།། འགྱུ་བ་གཟུང་འཛིན་མི་བྱ་རིག་པའི་མིང་འཛིན་བཅད།། འགྱུ་མེད་ངང་དངས་རིག་པ་རང་སར་གྲོལ།། ཀུན་གཞི་སྐྱེ་མེད
331a6 བག་ཆགས་སྒྲིབ་གཡོགས་སངས།། སྙམ་བྱེད་རྩིས་གདབ་མི་བྱ་གཉེན་པོར་གྲོལ།། དེ་གསུམ་ཉིད་ཀྱང་གཅིག་ཏུ་གྲོལ་བ་ན།། སྣང་བྱེད་འགྱུ་མེད་ཀུན་གཞི་ཆོས་ཉིད་ཀློང་།། ཞེས་གསུངས་སོ།། སྣང་བ་འགྱུ་བ་ཀུན
iiif viewer powered by OpenSeadragon
