| e-texts navigator |
| Wylie |
330b1 མེད།། ཨ་ནུའི་དབྱིངས་དང་ཡེ་ཤེས་མེད།། ཨ་ཏིའི་སྣང་བ་ཆོས་སྐུ་དང་།། རིག་པ་སངས་རྒྱས་བཏགས་པ་མེད།། ཡོངས་རྫོགས་བླ་མེད་དོན་རྟོགས་ན།། རིམ་དགུའི་གྲུབ་མཐའ་ངང་གིས་མེད།། ཅེས་གསུངས
330b2 སོ།། ཡོངས་རྫོགས་བླ་མེད་ཐེག་པའི་དོན་རྟོགས་ན། ཐེག་པའི་གྲུབ་མཐའ་མེད་པར་བསྟན་པའི་ལེའུ་སྟེ་ཉེར་གསུམ་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། ཐོད་རྒལ
330b3 ལྟ་སྒོམ་ཇི་ལྟར་ལགས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། བླ་མེད་ཐོད་རྒལ་ལྷ་སྒོམ་ནི།། དོན་ལ་མཚོན་བརྗོད་ལས་འདས་ཀྱང་།། མ་མཚོན་རྟོགས་པར་མི་འགྱུར་བས།། མུན་ཁུང་གསེར
330b4 སྒྲོན་ལྟ་བུར་བཤད།། མུ་མཐའ་ཡོངས་གྲོལ་ལྟ་བའི་རྒྱལ་པོ་ཡིན།། མུ་མེད་གཏིང་ཡངས་སྒོམ་པའི་རྒྱལ་པོ་ཡིན།། མཐའ་ཆོད་ཕྱོགས་བྲལ་སྤྱོད་པའི་རྒྱལ་པོ་ཡིན།། རེ་མེད་རང་གནས་འབྲས་བུའི་རྒྱལ་པོ
330b5 ཡིན།། ཡོངས་རྫོགས་ཐོད་རྒལ་ལྟ་བསྒོམ་ཁྱད་པར་འཕགས།། མུ་མེད་མཐའ་ཡས་ནམ་མཁའ་ཀློང་ཡངས་ལྟ་བ་ཡིན།། ཆོས་ཉིད་གཏིང་གྲོལ་རྒྱ་མཚོ་ཀློང་ཡངས་སྒོམ་པ་ཡིན།། མཐའ་སྟོངས་ཕྱོགས་མེད་གླང་ཆེན
330b6 སྨྱོན་པ་སྤྱོད་པ་ཡིན།། སྐུ་གསུམ་ལྷུན་གྲུབ་འབྲས་བུའི་རི་བོ་ཆེན་པོ་ཡིན།། ཞེས་གསུངས་སོ།། ཡོངས་རྫོགས་བླ་མེད་ཀྱི་བལྟ་སྒོམ་བསྟན་པའི་ལེའུ་སྟེ་ཉེར་བཞི་པའོ།། །། དེ་ནས་རང་སྣང་ཁྱེའུ་ཆུང་གིས།།
iiif viewer powered by OpenSeadragon
