| e-texts navigator |
| Wylie |
330a1 ང་བདག་འདུག་པ་ལ།། རང་བྱུང་དང་དངས་བཤན་པ་ཡིས།། ཤེས་རབ་རལ་གྲིས་སྐེ་བཅད་དེ།། རྡོ་རྗེ་ལྕགས་ཀྱུས་སྙིང་བཏོན་ནས།། མ་རིག་པ་བདག་སྲོག་བཅད་པས།། སྐྱེ་ཤི་རྩད་ཆོད་དབྱིངས
330a2 སུ་ཐིམ།། ཀ་དག་འོད་གསལ་ཀློང་ན་གནས།། སྐུ་གསུམ་ལྷུན་གྲུབ་དཔའ་བོ་ཡིས།། ཇོ་བོ་ཞེ་འདོད་སྲོག་རྩ་བཅད།། དེ་ལྟར་དགྲ་རྣམས་སྲོག་ཆོད་པས།། སྐྱེ་མེད་ཀ་དག་ཟང་ཀར་འབྱུང་།། བྱར་མེད་བློ
330a3 འདས་དབྱིངས་སུ་ཐིམ།། ཆོས་ཅན་རིག་པའི་མུ་མཐའ་གྲོལ།། ཆོས་ཉིད་གཏིང་མཐའ་ཡངས་པ་སྟེ།། མིང་མེད་མཐའ་སྟོངས་ཀློང་དུ་གྱུར།། ཞེས་གསུངས་སོ།། མཁའ་འགྲོ་གསང་བའི་བརྡའ་ཆོས་བསྟན་པའི་ལེའུ
330a4 སྟེ་ཉེར་གཉིས་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། ཐེག་པའི་གྲུབ་མཐའ་ཇི་ལྟར་མེད།། ཅེས་ཞུས་པས།། སྟོན་པས་འཁོར་ལ་བཀའ་སྩལ་པ།། ཡོངས་རྫོགས་བླ
330a5 མེད་དོན་རྟོགས་ན།། ཐེག་པའི་གྲུབ་མཐའ་ཀུན་འདུས་པས།། རིམ་དགུའི་གྲུབ་མཐའ་མེད་པར་བཤད།། དེ་ཡང་ཇི་ལྟར་མེད་ཅེ་ན།། ཉན་ཐོས་དཀའ་ཐུབ་འདུལ་ཁྲིམས་མེད།། རང་རྒྱལ་བརྟུལ་ཞུགས་ཚངས་སྤྱོད
330a6 མེད།། བྱང་སེམས་སྡོམ་པ་བསྲུང་བྱ་མེད།། ཀྲི་ཡའི་ཁྲུས་དང་གཙང་སྦྲ་མེད།། ཨུ་པའི་དྲི་མ་དག་བྱེད་མེད།། ཡོ་གའི་སྔགས་དང་ཕྱག་རྒྱ་མེད།། ཡོད་མེད་ཆོ་འཕྲུལ་རྣམ་བཞི་མེད།། མ་ཧཱའི་ཏིང་འཛིན་བསྙེན་བསྒྲུབ
iiif viewer powered by OpenSeadragon
