| e-texts navigator |
| Wylie |
32b1 ལྟ་བུ་ལ།། རང་གི་ངོ་བོ་བརྗོད་དུ་མེད།། ཞིང་ཁམས་ཀུན་གཞི་སེམས་ཉིད་ལ།། ཐུགས་ཀྱི་སྒོ་ནས་ངེས་པའི་དོན།། རྒྱུ་འབྲས་དབྱེར་མེད་ལྷུན་རྫོགས་ཆོས།། བྱིན་རླབས་བདེ་གཤེགས་འཁོར་ལ་གསུངས།། ལོངས
32b2 སྐུ་འཇའ་ཚོན་ལྟ་བུ་ལ།། ངོ་བོ་རིགས་ལྔའི་སངས་རྒྱས་ཏེ།། ཞིང་ཁམས་འདུས་པ་ཆེན་པོ་ལ།། དབུས་སུ་ཕྱི་ནང་གསང་བའི་ཆོས།། སྐུ་ཡི་སྒོ་ནས་ལྡེམ་དགོངས་ཀྱིས།། སྐུ་ཡི་སྒོ་ནས་འཁོར་ལ་ངོ་བོར
32b3 གསུངས།། སྦྲུལ་སྐུའི་དཔེ་ནི་ངེས་མེད་ལ།། ཐུབ་དྲུག་ངོ་བོ་ཤཱཀྱ་ཐུབ།། ཞིང་ཁམས་ཁམས་གསུམ་སེམས་ཅན་ལ།། རྒྱུ་འབྲས་དགེ་སྡིག་གཉིས་ཀྱི་ཆོས།། གསུང་གི་སྒོ་ནས་དྲང་དོན་གྱིས།། སྡེབ་སྦྱོར་ལེགས་པའི
32b4 ཚིག་ཏུ་གསུངས།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས། མན་ངག་འབྱུང་བའི་རྒྱུ་སྐུ་གསུམ་གྱི་གླེང་གཞི་བསྟན་པའི་ལེའུ་སྟེ་དང་པོའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག
32b5 རྒྱལ་པོས་བཀའ་སྩལ་པ།། སངས་རྒྱས་རྣམས་ཀྱི་དགོངས་པ་ནི།། ཤེས་རབ་བློ་ཡི་ཁྱད་པར་ལས།། སྐུ་གསུམ་ཆོས་རྣམས་ཅིར་གསུངས་ཀྱང་།། དབྱེར་མེད་ངོ་བོ་ཉིད་དུ་གནས།། འཁོར་དང་མྱ་ངན་འདས་པའི
32b6 ཆོས།། ཐམས་ཅད་རྩ་བ་གཅིག་པའི་དོན།། རང་སེམས་རྟོགས་པའི་ཆོས་སྐུ་ལ།། སྣང་སྲིད་གཟུགས་བརྙན་མི་འགོག་པ།། སངས་རྒྱས་རྣམས་ཀྱི་དགོངས་པ་ཡིན།། ཡེ་ནས་དག་པ་ངོས་ཟིན་པས།། བྱ་བ་མེད་ཅིང
iiif viewer powered by OpenSeadragon
