| e-texts navigator |
| Wylie |
32a1 རྒྱ་གར་སྐད་དུ། མ་ཧཱ་སནྟི་སརྦ་དྲྀཥྚི་གརྦྷ་ཏནྟྲ་ན་མ། བོད་སྐད་དུ། རྫོགས་པ་ཆེན་པོའི་ལྟ་བ་ཐམས་ཅད་ཀྱི་སྙིང་པོའི་རྒྱུད་ཅེས་བྱ་བ། བཅོམ་ལྡན་འདས་མཉམ་པ་ཉིད་ཀྱི་རྒྱལ་པོ་དཔལ་ཀུན་ཏུ་བཟང
32a2 པོ་ལ་ཕྱག་འཚལ་ལོ།། འདི་སྐད་གསུངས་པའི་དུས་གཅིག་ན།། ཀུན་རིག་སེམས་ཀྱི་རྒྱལ་པོ་དེས།། འོག་མིན་ཆོས་ཀྱི་དབྱིངས་དག་ན།། མཉམ་ཉིད་དོན་ལ་རབ་བཞུགས་ཏེ།། གསང་སྔགས་བདག་པོ་ལ་སོགས
32a3 པའི།། འཁོར་རྣམས་འདུས་ནས་རབ་ཏུ་འཁོད།། དེ་ནས་སེམས་དཔའ་རྡོ་རྗེ་ཡིས།། འདུས་པའི་ཚོགས་ལ་ཕན་གདགས་ཕྱིར།། གུས་པའི་ཚུལ་གྱིས་ཐལ་སྦྱར་ཏེ།། བདེན་པའི་ཚིག་གིས་འདི་སྐད་གསོལ།། རྩ་བ
32a4 གཅིག་པའི་སེམས་ཉིད་ལ།། སངས་རྒྱས་ཆོས་རྣམས་ཅི་ལྟར་གསུངས།། དེ་དོན་དགོངས་པ་ཅི་ལྟར་ཡིན།། ཆོས་རྣམས་གཏན་ལ་ཇི་ལྟར་དབབ།། སྣོད་ཀྱི་རིམ་པ་ཇི་ལྟར་བསྟན།། མཉམ་ཉིད་རྒྱལ་པོས་ལུང་བསྟན
32a5 གསོལ།། དེ་སྐད་གསོལ་བས་ཚིག་གསན་ནས།། ཀུན་རིག་སེམས་ཀྱི་རྒྱལ་པོ་ཡིས།། འདུས་པའི་ཚོགས་ལ་བཀའ་སྩལ་པ།། ལེགས་སོ་ལེགས་སོ་སེམས་དཔའ་རྡོ་རྗེ་ཁྱོད།། དད་ལྡན་བུ་ལ་ངས་བསྟན
32a6 གྱིས།། ལེགས་པར་ཉོན་ལ་ཡིད་ལ་ཟུང་།། དུས་གསུམ་སངས་རྒྱས་ཐམས་ཅད་ཀྱང་།། རྩ་བ་སེམས་ཉིད་རྟོགས་པའི་ཕྱིར།། གཟི་ལྡན་ནོར་བུ་རིན་ཆེན་བཞིན།། སངས་རྒྱས་ང་ཡི་སྐུ་གསུང་སྟེ།། ཆོས་སྐུ་ནམ་མཁའ
iiif viewer powered by OpenSeadragon
