| e-texts navigator |
| Wylie |
329a1 ཉི་ཤུ་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། མཚན་མའི་དངོས་པོ་ཇི་ལྟར་གྲོལ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། མཚན་མའི
329a2 དངོས་པོ་གྲོལ་ལུགས་ནི།། སྣང་སྲིད་སྣོད་བཅུད་དངོས་པོ་ཀུན།། རང་སྣང་ཆོས་ཉིད་དབྱིངས་སུ་གྲོལ།། ཡུལ་གྱི་དངོས་པོ་རང་སར་གྲོལ།། སྡུག་བསྔལ་མཚན་མ་དངོས་མེད་གྲོལ།། འཁོར་བ་མྱ་ངན་འདས་པར
329a3 གྲོལ།། སྒོ་ལྔ་ཟང་ཐལ་ཆེན་པོར་གྲོལ།། ཡུལ་ཡང་འཛིན་ཞེན་མེད་པར་གྲོལ།། ཐམས་ཅད་རང་བཞིན་དངོས་མེད་གྲོལ།། ཞེས་གསུངས་སོ།། མཚན་མའི་དངོས་པོ་རང་སར་གྲོལ་བར་བསྟན་པའི་ལེའུ་སྟེ་ཉེར
329a4 གཅིག་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། མཁའ་འགྲོ་གསང་བའི་བརྡའ་གནད་གང་། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། མ་ཧཱ་གུ་རུ་དམ་པ
329a5 དང་། ལས་ཀྱི་མཁའ་འགྲོ་མས་གསང་བའི་བརྡའ་ཆོས་གསུངས་པ། སེམས་ཅན་ཐམས་ཅད་ལ་གནོད་ཅིང་འཚེ་ལ་སྡུག་བསྔལ་དུ་འཇུག་པའི་དགྲའི་སྲོག་མ་བཅད་ན་སངས་མི་རྒྱའོ།། ཞེས་གསུངས་སོ།། དེ་ནས
329a6 རིན་ཆེན་གསལ་བའི་མཁའ་འགྲོ་མས་ལས་ཀྱི་མཁའ་འགྲོ་མ་ལ་ཞུས་པ། སེམས་ཅན་ཐམས་ཅད་ལ་གནོད་པའི་དགྲ་དེ་ནི་གང་ལགས། དེའི་སྲོག་རྩ་ཇི་ལྟར་བཅད། དགྲ་དེ་ལ་རྣམ་གྲངས་དུ་མཆིས།། དགྲ་དེའི་རྩ
iiif viewer powered by OpenSeadragon
