| e-texts navigator |
| Wylie |
328b1 ལ།། སེམས་ཅན་སངས་ནི་ཇི་ལྟར་རྒྱ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ངན་རྟོག་གྲོལ་ན་སངས་རྒྱས་ཡིན།། ཡིད་འཁྲུལ་སངས་ན་སངས་རྒྱས་ཡིན།། ཉོན་མོངས་མེད་ན་སངས་རྒྱས
328b2 ཡིན།། རྣམ་རྟོག་མེད་ན་སངས་རྒྱས་ཡིན།། དུག་ལྔ་བརླགས་ན་སངས་རྒྱས་ཡིན།། བློ་ལས་གྲོལ་ན་སངས་རྒྱས་ཡིན།། སྣང་གྲོལ་མཛིན་མེད་སངས་རྒྱས་ཡིན།། ཞེ་འདོད་མེད་ན་སངས་རྒྱས་ཡིན།། སྡུག་བསྔལ་མེད
328b3 ནསངས་རྒྱས་ཡིན།། ཞེས་གསུངས་སོ།། སེམས་ཅན་སངས་རྒྱས་ཚུལ་བསྟན་པའི་ལེའུ་སྟེ་བཅུ་དགུ་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། འཁོར་བ་མྱ་ངན་ཇི་ལྟར
328b4 འདས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། འཁོར་བའི་སྡུག་བསྔལ་གྲོལ་ན་མྱ་ངན་འདས།། འཁོར་བའི་འཁྲུལ་སྣང་ཆོད་ན་མྱ་ངན་འདས།། འཁོར་བའི་ཆགས་སྡང་གྲོལ་ན་མྱ་ངན་འདས།།
328b5 འཁོར་བའི་གཉེན་འབྲེལ་སྤངས་ན་མྱ་ངན་འདས།། འཁོར་བའི་འདམ་ནས་ཐོན་ན་མྱ་ངན་འདས།། གཟུང་འཛིན་སྒྲོག་ལས་གྲོལ་ན་མྱ་ངན་འདས།། འཛིན་རྟོག་རྟོད་ཕུར་ཕྱིན་ན་མྱ་ངན་འདས།། ཉོན་མོངས་རྒྱ
328b6 ནས་ཐར་ན་མྱ་ངན་འདས།། རྣམ་རྟོག་དྲ་བ་ཆོད་ན་མྱ་ངན་འདས།། བྱ་བཙལ་ཞེ་འདོད་མེད་ན་མྱ་ངན་འདས།། ཞེས་གསུངས་སོ།། འཁོར་བའི་སྡུག་བསྔལ་ལས་གྲོལ་ནས་མྱ་ངན་ལས་འདས་པར་བསྟན་པའི་ལེའུ་སྟེ
iiif viewer powered by OpenSeadragon
